Last updated on December 13th, 2025 at 05:16 pm
ಕುಂದಾಪುರ, ಡಿ. 13: ಕೊರಗ ಸಮುದಾಯೊರ್ದು ಬತ್ತ್ದ್, ಮಾಮಲ್ಲ ಸಾದಗೊ ಬೆನ್ಪುನ ಮುಕೇನ, ತೇಕಟ್ಟೆದ ಉಲ್ತೂರ್ದ ಕೆ. ಸ್ನೇಹಾ ಕುಂದಾಪುರ ಮೇರ್ ಎಂಬಿಬಿಎಸ್ ಬೊಕ್ಕ ಎಂಡಿ ಪದವಿಲೆನ್ ಯಶಸ್ವಿಯಾದ್ ಮಲ್ತಿನ ಕೊರಗ ಸಮುದಾಯೊದ ಕಡೀರ ವಿದ್ಯಾರ್ಥಿನಿ ಪನ್ಪಿ ಪುಗರ್ತೆಗ್ ಪಾತ್ರೆರಾತೆರ್.
ವಿ ಗಣೇಶ್ ಬೊಕ್ಕ ಜಯಶ್ರೀ ಶೆಡ್ಗೇರಿ ಮೊಕ್ಲೆನ ಮಲ್ಲ ಮಗಲ್ ಸ್ನೇಹ, ತನ್ನ ಸಾದಗೊದ ಮುಕೇನ ಪಾಕ ಜನೊಕು ಉಮೇದ್ದ ಸಾದಿ ತೋಜಾದೆರ್. ಆರ್ ತನ್ನ ಸುರುತ ಶಾಲಾ ಶಿಕ್ಷಣೊನು ಅಂಕೋಲಾ ನಿರ್ಮಲ ಹೃದಯ ಶಾಲೆ ಬೊಕ್ಕ ಕುಂದಾಪುರೊದ ಹೋಲಿ ರೋಸರಿ ಶಾಲೆಡ ಮಲ್ತೆರ್. ಬೊಕ್ಕ ಹೆಬ್ರಿದ ಜವಾಹರ್ ನವೋದಯ ವಿದ್ಯಾಲಯೊಗು ಪೋಯೆರ್. ಬೆದ್ರದ ಆಳ್ವಾಸ್ಡ್ ತನ್ನ ಪಿಯು ಶಿಕ್ಷಣ ಮಲ್ತೆರ್.
ಸ್ನೇಹಾ ಕುಡ್ಲದ ಎಜೆ ಇನ್ಸ್ಟಿಟ್ಯೂಟ್ ಆಫ್ ಮೆಡಿಕಲ್ ಸೈನ್ಸಸ್ಡ್ ಎಂಬಿಬಿಎಸ್ ಮಲ್ತ್ದ್ ಬೊಕ್ಕ ದೆಲ್ಲಿದ ವೈದ್ಯಕೀಯ ಕಾಲೇಜಿಡ್ ಎಚ್ಚಿನ ವೈದ್ಯಕೀಯ ಅಧ್ಯಯನ ಮಲ್ತೆರ್. ಪಿಎಚ್ಸಿ ಕೋಟಾಡ್ ಒಂಜಿ ವರ್ಸೊದ ಸೇವೆ ಮಲ್ತಿ ಬೊಕ್ಕ, ಆರ್ ತನ್ನ ಸ್ನಾತಕೋತ್ತರ ಅಧ್ಯಯನೊನು ದುಂಬರಿತೆರ್ ಬೊಕ್ಕ ದೆಲ್ಲಿದ ಪ್ರತಿಷ್ಠಿತ ವೈದ್ಯಕೀಯ ಕಾಲೇಜಿರ್ದ್ ಎಂಡಿ ಪದನಿನ್ ಯಶಸ್ವಿಯಾದ್ ಪೂರ್ಣ ಮಲ್ತೆರ್.
ಆರೆನ ಈ ಸಾದಗೊ ಆರೆನ ಇಲ್ಲದಕುಲೆಗ್, ಸಮುದಾಯೊಗು ಅಂಚೆನೇ ತುಳುನಾಡ್ಗ್ ಪೆರ್ಮೆ ಕನತ್ದ್ಂಡ್. ಯುವ ವಿದ್ಯಾರ್ಥಿಲು, ವಿಶೇಷವಾದ್ ಪಿರ ಒರಿದಿನ ಸಮುದಾಯೊದ ಪೊಣ್ಣುಲು, ಉನ್ನತ ಶಿಕ್ಷಣ ಬೊಕ್ಕ ವೃತ್ತಿಪರ ಶ್ರೇಷ್ಠತೆದಂಚಿ ಪೋವೊಂದುಪ್ಪುನೆಕ್ ಉದಾರ್ಮೆ ಆದುಂಡು.
ಶೋಷಿತ ಸಮುದಾಯೊದ ಜೋಕುಲು ಸಾಮಾಜಿಕವಾದ್ ಎದುರು ಬರೊಂದುಪ್ಪುನವು ತೆಟ್ಟ್ದ್ ನೆಲ ಮೂಸೊಂದಿತ್ತಿನ ಸಾಮಾಜಿಕ ನ್ಯಾಯ ಸಮ ಆವೊಂದು ಬರೊಂಥುದುಪ್ಪುನೆಕ್ ಉದಾರ್ಮೆ ಆದುಂಡು.