Last updated on December 26th, 2025 at 08:49 am
ಮೈಸೂರ್, ಡಿ. 26: ಮೈಸೂರು ಅರಂತಡೆದ ಎದುರು ಹೀಲಿಯಂ ಪುಗ್ಗೆ ಮಾರೊಂದತ್ತಿನ ಆಂಜೊವುಡ ಇತ್ತಿನ ಗ್ಯಾಸ್ ಸಿಲಿಂಡರ್ ಪುಡದ್ ಪುಗ್ಗೆ ಮಾರೊಂದತ್ತಿನ ಆಂಜೊವು ತೀರ್ದಿನ ನಡಕೆ ಮೈಸೂರ್ ಅರಂತಡೆದ ಎದುರು ಜಯಮಾರ್ತಾಂಡ ದ್ವಾರೊದ ಕೈತಲ್ ನಡತ್ದ್ಂಡ್. ಈ ನಡಕೆಡ್ ನಾಲ್ವೆರೆಗ್ ಗಡಿಕುಲಾತ.
ಬೆಂಗಳೂರ್ದ ಕಾಮಾಕ್ಷಿ ಪಾಳ್ಯದ ಲಕ್ಷ್ಮಿ, ನಂಜನಗೂಡುದ ಮಂಜುಳಾ, ಕಲ್ಕತಾದ ಶಮಿನಾ ಶಬಿಲ್, ರಾಣಿಬೆನ್ನೂರ್ದ ಕೊಟ್ರೇಶ್ ಗ್ ಗಡಿಕುಲಾದಿತ್ತ್ದ್, ತೀರ್ದಿನ ಆಂಜೊವುನ ಗುರ್ತ ಪತ್ತೆರೆ ಆತಿಜಿ. ಆಂಜೊವು ಒರಿ ಸೈಕಲ್ಡ್ ಹೀಲಿಯಂ ಪುಗ್ಗೆ ಮಾರೊಂದುಪ್ಪುನಗ ರಾತ್ರೆ 8.30ತ ಅಂದಾಜಿಗ್ ಸಿಲಿಂಡರ್ ಪುಡದಿತ್ತ್ದ್, ಪುಗ್ಗೆ ಮಾರೊಂದತ್ತಿನ ಆಂಜೊವು ಅಲ್ಪನೇ ತೀರ್ದೆ ಪನ್ದ್ ನಗರ ಪೊಲೀಸ್ ಆಯುಕ್ತೆದಿ ಸೀಮಾ ಲಾಟ್ಕರ್ ತೆರಿಪಾಯೆರ್.