Last updated on December 16th, 2025 at 09:50 am
ಕುಡ್ಲ, ಡಿ. 16: ನ್ಯೂಜಿಲ್ಯಾಂಡ್ ಮೂಲೊದ ಪೊಣ್ಣನ್ ಕುಡ್ಲದ ಆಣ್ ಕುದ್ರೋಳಿ ದೇಲಂತಡೆದ ಸಭಾಂಗಣೊಡು ಮದಿಮೆ ಆತೆರ್.
ಕುಡ್ಲದ ಪೊಸಬೊಟ್ಟುದ ಅರ್ಜುನ್ ಕುಮಾರ್ ಮೇರ್ ಕುಡ್ಲದ ಕೆನರಾ, ಶ್ರೀನಿವಾಸ ಕಾಲೇಜಿಡ್ ಕಲ್ತಿಬೊಕ್ಕ 8 ವರ್ಸೊಗು ದುಂಬು ಉನ್ನತ ವ್ಯಾಸಂಗೊಗು ನ್ಯೂಜಿಲ್ಯಾಂಡ್ಗ್ ಪೋದಿತ್ತೆರ್. ಅಲ್ಪ ಸೈಕಾಲಜಿ ಕಲ್ತೊಂದಿತ್ತಿನ ಲಿಲ್ಲಿ ಚೂ ಮೆರೆನ ಗುರ್ತ ಆದಿತ್ತ್ಂಡ್. ಕಲ್ತ್ದ್ ಆಯಿ ಬೊಕ್ಕ ಅಲ್ಪನೇ ಸಾಫ್ಟ್ವೇರ್ ಕಂಪೆನಿಡ್ ಅರ್ಜುನ್ ಬೇಲೆಗ್ ಸೇರ್ದಿತ್ತೆರ್.
ಅವ್ವೇ ಪೊರ್ತುಡು ಕೋವಿಡ್ ಸುರು ಆದಿತ್ತ್ಂಡ್. ಈ ಸಂಕಷ್ಟೊದ ನಡುಟು ಅರ್ಜುನ್ಗ್ ಕೌಟುಂಬಿಕ ಆಘಾತ ಒಂಜಿ ಆದ್,
ಅವೆರ್ದಾವರ ಅರ್ಜುನ್ ಬೆಸರ್ಡ್ ಇಪ್ಪುನಗ ಸಾಂತ್ವನ ಪನ್ಡ್ದ್ ಧೈರ್ಯ ಪನ್ದಿತ್ತಿನ ಉಂದೇ ಲಿಲ್ಲಿ ಚೂ. ಈ ಮಾನವೀಯತೆ ಇರ್ವೆರೆ ನಡುಟು ಮೋಕೆದ ಸಂಕ ಆಂಡ್. ತನ್ಕುಲೆ ಮೋಕೆದ ಬಗೆಟ್ ಅರ್ಜುನ್ ಬೊಕ್ಕ ಲಿಲ್ಲಿ ಇಲ್ಲದಕ್ಲೆಗ್ ಮನವರಿಕೆ ಮಲ್ತ್ದ್, ರಡ್ಡ್ ಇಲ್ಲದಕುಲುಲಾ ಮದಿಮೆಗ್ ಕುಸಿಟ್ ಒತ್ತೊಂದೆರ್.
ಇತ್ತೆ ಅರ್ಜುನ್ನ ಆಸೆದ ಲೆಕ ಭಾರತೀಯ ಸಂಪ್ರದಾಯೊದ ಪ್ರಕಾರ ಕುದ್ರೋಳಿಡ್ ಮದಿಮೆ ನಡತ್ಂಡ್. ರಡ್ಡ್ ಪಾಲ್ದಕುಲ್ಲಾ ಈ ಪೊರ್ತುಡು ಇತ್ತ್ದ್ ಪೊಸ ಮದಿಮಯೆ-ಮದಿಮಲೆಗ್ ಎಡ್ಡೆಪ್ಪು ಬಯಕಿಯೆರ್.