Last updated on December 9th, 2025 at 01:47 pm
ಇಟ್ಟೆಲ್, ಡಿ. 09: ಅಲ್ಯುಮಿನಿಯಂ ಕಲೆಟ್ ತಾರಾಯಿ ದೆತ್ತೊಂದುಪ್ಪುನಗ ಬರಿತ ಹೈಟೆನ್ಮನ್ ಕರೆಂಟ್ ವಯರ್ ಕೊಲ್ತ್ದ್ ಆಂಜೊವು ತೀರ್ದಿನ ನಡಕೆ ಕರೋಪಾಡಿ ಗ್ರಾಮೊದ ಪದ್ಯಾಣ ಗಡಿಜಾಗೆ ಪನ್ಪಿನಲ್ಪ ನಡತ್ದ್ಂಡ್.
ತೀರ್ದಿನಾರೆನ್ ನಾರಾಯಣ ನಾಯ್ಕ ಪನ್ದ್ ಗುರ್ತ ಪತ್ತ್ದೆರ್. ಮೇರ್ ಇಲ್ಲದ ಎದುರುದ ತಾರೆರ್ದ್ ಅಲ್ಯುಮಿನಿಯಂ ಕಲೆಟ್ ತಾರಾಯಿ ದೆತ್ತೊಂದುಪ್ಪುನಗ ತತ್ತ್ದ್ ಕಲೆ, ಬರಿತ ಎಚ್ ಟಿ ಲೈನ್ಗ್ ಕೊಲ್ತ್ದ್ ಶಾಕ್ ಆಕ್ದ್ ತಿರ್ತ್ ಬೂರ್ದೆರ್. ಅಪಗನೇ ಆರೆನ್ ದೇರಳಕಟ್ಟೆದ ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್ಂಡಲಾ ಮರ್ದ್ ಪಲಿಪಂದೆ ಆರ್ ತೀರ್ದೆರ್. ಈ ಬಗೆಟ್ ಇಟ್ಟೆಲ್ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.