Last updated on December 10th, 2025 at 09:00 am
ಪಡ್ಡೆದ್ರ, ಡಿ. 10: ಪುಗರ್ತೆದ ‘ಗೌಜಿ ಇವೆಂಟ್ಸ್’ ಕಂಪೆನಿದ ದನಿ, ಮಾತೆರೆಡಲಾ ಬಾರೀ ಎಡ್ಡೆಡ್ ಪಾತೆರೊಂದು- ಕೂಡೊಂದು, ಇವೆಂಟ್ ಆರ್ಗನೈಜೇಷನ್ ವಿಭಾಗೊಡು ಎಡ್ಡೆ ಪುದರ್ ಮಲ್ತಿತ್ತಿನ ಅಭಿಷೇಕ್ ಮೇರ್ ಕೋಡೆ ರಾತ್ರೆ ಪಡ್ಡೆದ್ರಡ್ ನಡತಿನ ಎಡ್ತೆಡ್ ತೀರ್ದೆರ್.
ಕೋಡೆ ರಾತ್ರೆ ಸುಮಾರ್ 2:20 ದ ಅಂದಾಜಿಗ್ ಪಡ್ಡೆದ್ರ ಪೆರ್ಸಾದಿಡ್ ನಡತಿನ ಭೀಕರ ಎಡ್ತೆಡ್ ಗಾತಿದ ಗಡಿಕುಲಾದಿತ್ತಿನ ಅಭಿಷೇಕ್ರೆನ್ ಮುಕ್ಕದ ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್ದಿತ್ತೆರ್, ಆಂಡ ಮರ್ದ್ ಪಲಿಪಂದೆ ಅಭಿಷೇಕ್ ಆಸ್ಪತ್ರೆಡೇ ತೀರ್ದೆರ್.
ನೆನೆಪಂದೆ ಆಯಿನ ಈ ನಡಕೆ ಆರೆನ ಇಲ್ಲದಕುಲೆಗ್, ದೋಸ್ತಿಲೆಗ್, ಗೌಜಿ ಇವೆಂಟ್ಸ್ ಸಿಬ್ಬಂದಿಲೆಗ್ ಮಲ್ಲ ಆಘಾತ ಉಂಡು ಮಲ್ದ್ಂಡ್.
ಎಡ್ತೆದ ಎಚ್ಚಿನ ಒಲವು ನನ ತೆರಿದ್ ಬರೊಡಾತೆ.