Last updated on December 30th, 2025 at 05:16 pm
ಅಡ್ಯಾರ್, ಡಿ. 30: ಬೇಲೆದಕ್ಲೆನ ಗೋಸ್ಮರಿಡ್ ಬುಡ್ದು ಪೋತಿನ ಕರೆಂಟ್ ವಯರ್ರ್ದಾವರ ಕರೆಂಟ್ ಶಾಕ್ ಆಕ್ದ್ ಜವನೆ ಒರಿ ತೀರ್ದಿನ ನಡಕೆ ಕೋಡೆ ಸೋಮಾರ ರಾತ್ರೆ ಅಡ್ಯಾರ್ಡ್ ನಡತ್ದ್ಂಡ್.
ತೀರ್ದಿನಾರೆನ್ ಸಕ್ರಿಯ ಬಿಜೆಪಿ ಕಾರ್ಯಕರ್ತೆ ಅಂಚನೇ RSS ಸ್ವಯಂಸೇವಕೆ ಅಡ್ಯಾರ್ದ ಹರೀಶ್ ತೊಡಬರಿ ಪನ್ದ್ ಗುರ್ತ ಪತ್ತ್ದೆರ್.
ಹರೀಶೆರ್ ತನ್ನ ಇಲ್ಲದ ಬರಿಟೇ ಕಟ್ಟೊಂದಿತ್ತಿನ ಇಲ್ಲದ ಬೇಲೆ ತೂಯೆರ ರಾತ್ರೆ ಪೋದಿತ್ತೆರ್. ಬಡಕಾಯಿ ಭಾರತ ಮೂಲೊದ ಕಾರ್ಮಿಕೆರ್ ಬೇಲೆ ಮಲ್ತೊಂದಿತ್ತ್ದ್, ಟ್ಯೂಬ್ಲೈಟ್ಗ್ ಕಟ್ಟ್ದಿನ ವಯರ್ನ್ ಅಂಚೆನೇ ಬುಡ್ದು ಪೋದಿತ್ತೆರ್, ತೆರಿಯಂದೆ ಅವೆಕ್ ತೊರ್ತಿನ ಹರೀಶೆರೆಗ್ ಶಾಕ್ ಆಕ್ದ್ಂಡ್. ಆ ಪೊರ್ತುಡು ಬರಿಟ್ ಕಟ್ಟ್ದಿನ ಕರ್ಬದ ಪರೆಜ್ಜಿನ್ ಹರೀಶ್ ಪತೊಂದೆರ್, ಆಂಡ ದುಂಬೊರ ಆತಿನ ಎಡ್ತೆಡ್ ಕೈಕ್ ರಾಡ್ ಪಾಡ್ದಿತ್ತ್ದ್, ಅವ್ವೇ ಕೈಟ್ ಪರೆಜ್ಜಿ(ಸ್ಕಫೋಲ್ಡಿಂಗ್) ನ್ ಪತೊಂದಿನೆರ್ದಾವರ ಕರೆಂಟ್ ಶಾಕ್ದ ಪೆಟ್ಟ್ ಬೊಕಲಾ ಎಚ್ಚ್ ಆಕ್ದ್ಂಡ್. ಕರೆಂಟ್ ಆಕಿನಾರೆನ್ ಅಪಗನೇ ಆಸ್ಪತ್ರೆಗ್ ಲೆತೊಂದು ಪೋಂಡಲಾ, ಸಾದಿ ನಡುಟು ತೀರ್ದೆರ್.