Last updated on January 8th, 2026 at 04:29 pm
ದೆಲ್ಲಿ: ನಾಯಿ ಪಿಸ್ರ್ಡ್ ಇಪ್ಪುನಗ ಎಂಚ ಇಪ್ಪುಂಡು, ವಾ ನಾಯಿದ ಮನಸ್ಥಿತಿ ಎಂಚ ಇಪ್ಪುಂಡು ಪನ್ದ್ ಏರೆಗ್ ಗೊತ್ತುಪ್ಪುಂಡು? ಅವೆತ ಮನಸ್ಥಿತಿನ್ ಅರ್ಥ ಮಲ್ತೊನರೆ ಏರೆಗ್ಲಾ ಸಾಧ್ಯ ಇಜ್ಜಿ. ಅಂಚಾದ್, ಸಾದಿಡ್ ನಾಯಿಲು ಇಪ್ಪಂದಿಲೆಕ ತೂವೊನುನ ಕ್ರಮೊಕುಲು ಆವೊಡು ಪನ್ದ್ ಸುಪ್ರೀಂ ಕೋರ್ಟ್ ಪನ್ತ್ನ್ಡ್.
ತಿರ್ಗು ನಾಯಿಲೆಗ್ ಸಂಬಂಧಿತ್ದ್ ದಾಕಲ್ತೊಂದಿನ ಸುಮೊಟೊ ಪ್ರಕರಣೊದ ವಿಚಾರಣೆ ಮಲ್ತಿನ ನ್ಯಾ. ವಿಕ್ರಮ್ ನಾಥ್, ನ್ಯಾ. ಸಂದೀಪ್ ಮೆಹ್ತಾ ಬೊಕ್ಕ ನ್ಯಾ. ಎನ್.ವಿ. ಅಂಜರಾರಿಯಾ ಮೊಕುಲು ತ್ತಿನ ಪೀಠ ಇಂಚ ಪನ್ತ್ನ್ಡ್.
ನಾಯಿಲು ತುಚ್ಚುವ ಪನ್ಪಿನ ಮಾತ್ರ ವಿಚಾರ ಅತ್ತ್. ಟೂವೀಲರ್ಲೆಡ್ ಪೋಪುನಕ್ಲೆನ್ ನಾಯಿಲು ತುಚ್ಚುನ ಸಾಧ್ಯತೆ ಉಂಡು ಅತ್ತ್ಂಡ ಗಿಡತೊಂದು ಪೋವು. ಗಾಡಿಡಿತ್ತಿನಕುಲು ಬೂರುನ, ಎಡ್ತೆಲು ಪಿನ ಪಡಾಯಿಲಾ ಉಂಡಕ. ಸಮಸ್ಯೆ ಆಪುನೆಕ್ ದುಂಬೇ ಎಚ್ಚರ್ಗೆ ಮಲ್ತೊನುನ ಎಡ್ಡೆ. ಸಾದಿಲು ನಾಯಿಲುದಾಂತೆ ಮುಕ್ತವಾದ್ ಇಪ್ಪೊಡು, ಸಾದಿಯೆ ತಿರ್ಗುನ ನಾಯಿಲು, ಆ ಮಾರ್ಗೊಡೆ ಪೋಪುನ ಗಾಡಿಲೆಗ್ ಅವೆಟ್ಲಾ ಟೂವೀಲರ್ ಗಾಡಿಲು ಬೊಕ್ಕ ಸೈಕಲ್ದಕ್ಲೆಗ್ ಬಾರೀ ಅಪಾಯಕಾರಿ ಪನ್ದ್ ಪೀಠ ತೆರಿಪಾದ್ಂಡ್.
ನಾಯಿಲು ಕಾಂಪೌಂಡ್ಲೆನ ಕೈತಲ್ ಬೊಕ್ಕ ವಿಶ್ವವಿದ್ಯಾಲಯೊಲೆನ ಆವರಣೊಡ್ಲಾ ಇಪ್ಪುವ. ಯಾನ್ ವಿಶ್ವವಿದ್ಯಾಲಯೊಡುಪ್ಪುನಗ, ಅಲ್ಪಲಾ ನಾಯಿಲು ಇತ್ತ. ಆಂಡ, ಅವು ಏರೆನ್ಲಾ ತುಚ್ಚೊಂದಿತ್ತಿಜ. ಜವಾಹರಲಾಲ್ ನೆಹರು ವಿಶ್ವವಿದ್ಯಾಲಯೊದ ಆವರಣೊಡು ಪಾಕ ನಾಯಿಲು ಉಲ್ಲ’ ಪನ್ದ್ ಪ್ರಾಣಿಲೆನ ಹಕ್ಕ್ ಪ್ರತಿಪಾದಿಪೂನಕ್ಲೆ ಪರ ಇತ್ತಿನ ಕಪಿಲ್ ಸಿಬಲ್ ಪನ್ಡೆರ್.
ನಾಯಿ ತಚ್ಚುನೆನಾ ಉಂತಾಯೆರ ಬೋಡಾನಿನ ಕ್ರಮ ಗೆತೊನೊಡು ಪನ್ದ್ ಪೀಠ ಒತ್ತ್ದ್ ಪನ್ತ್ನ್ಡ್.
ಸಾದಿಲೆಗ್ ನಾಯಿಲು ಬರಂದಿಲೆಕ ತೂಪುನ ಜದರಿನ್ ರಾಷ್ಟ್ರೀಯ ಪೆರ್ಸಾದಿ ಪ್ರಾಧಿಕಾರ ರಾಜ್ಯ ಸರ್ಕಾರೊಗು ಕೊರ್ತಿನೆಕೊ ಅಸಮಾಧಾನ ತೂಪಾದಿನ ಪೀಠ, ಕರಿನ 20 ದಿನೊಟು ಪ್ರಾಣಿಲೆರ್ದಾವರ ಇರ್ವೆರ್ ನ್ಯಾಯಾಧೀಶೆರೆಗ್ ಎಡ್ತೆಲು ಆತ. ಉಂದು ಗಾತಿದ ವಿಷಯ ಪನ್ದ್ ಪನ್ತ್ನ್ಡ್.