Last updated on January 16th, 2026 at 10:41 am
ಬೊಲ್ತೇರ್, ಜ. 16 : ಕನ್ಯಾಡಿ 1 ಗ್ರಾಮೊದ ಅಂಡೀರ್ಮಾರ್ ನಿವಾಸಿ ಮಂಜಪ್ಪ ನಾಯ್ಕ(62) ಪನ್ಪಿನಾರ್ ಇನಿ, ಜ.16 ತಾನಿ ಕಾಂಡೆ 8:15 ತ ಅಂದಾಜಿಗ್ ಇಲ್ಲ ಜಾಲ್ಡ್ ಇಪ್ಪುನಗ ಚಿಟ್ಟೆಪಿಲೆ ಒಂಜಿ ಆರೆನ ಮಿತ್ತ್ ಲಾಗಿದ್ಂಡ್.
ಮಂಜಪ್ಪೆರ್ ತನ್ನ ಜೂವ ಒರಿತೊನರೆ ಕೈತಲೇ ಕಂಗ್ಗ್ ಬರ್ತ್ದಿತ್ತ್ದ್, ಆರೆನ ಕಾರ್ಗ್ ಗಾತಿದ ಗಡಿಕುಲಾತ. ಬೊಲ್ತೇರ್ ಸರಕಾರಿ ಆಸ್ಪತ್ರೆಡ್ ಮರ್ದ್ ನಡತೊಂದುಂಡು. ಆಸ್ಪತ್ರೆಗ್ ಬೊಲ್ತೇರ್ ವಲಯ ಅರಣ್ಯ ಇಲಾಖೆ ಅಧಿಕಾರಿಲು ಬತ್ತ್ದ್ ಪರಿಶೀಲನೆ ಮಲ್ತ್ದೆರ್.
ಮಂಜಪ್ಪ ನಾಯ್ಕೆರೆನ ಮಗೆ ಪ್ರಭಾಕರ ನಾಯ್ಕೆರ್ ಬೊಕ್ಕ ಅರಣ್ಯ ಇಲಾಖೆದ ಅಧಿಕಾರಿಲೆನ ನಡುಟು ಅಮ್ಮೆರೆನ ಮಿತ್ತ ಚಿರತೆ ದಾಳಿ ಮಲ್ತಿನ ವಿಚಾರೊಡು ಒಂತೆ ಪೊರ್ತು ವಾಗ್ವಾದ ನಡತ್ಂಡ್.