Last updated on January 28th, 2026 at 10:18 am
ಮುಂಬೈ, ಜ. 28: ಮಹಾರಾಷ್ಟ್ರೊದ ಬಾರಾಮತಿ ಕೈತಲ್ ನಡತಿನ ವಿಮಾನ ದುರಂತೊಡು ಮಹಾರಾಷ್ಟ್ರ ಉಪ ಮುಖ್ಯಮಂತ್ರಿ ಅಜಿತ್ ಪವಾರ್ ಸೇರ್ದ್ 6 ಜನ ತೀರ್ದೆರ್ ಪನ್ದ್ ವರದಿ ಆತ್ಂಡ್.
ಎನ್ಸಿಪಿ ಮುಖ್ಯಸ್ಥೆ ಬೊಕ್ಕ ಮಹಾರಾಷ್ಟ್ರದ ಉಪಮುಖ್ಯಮಂತ್ರಿ ಅಜಿತ್ ಪವಾರ್ ಇನಿ ಕಾಂಡೆ ಮುಂಬೈರ್ದ್ ಬಾರಾಮತಿಗ್ ಪೋವೊಂದಿತ್ತಿನ ಜೆಟ್ ವಿಮಾನ ಬೂರ್ದಿತ್ತ್ದ್, ಅವೆಟಿತ್ತಿನ ಪೈಲಟ್ನಕುಲು ಬೊಕ್ಕ ಪವಾರ್ ರೆನ ಭದ್ರತಾ ಸಿಬ್ಬಂದಿ ಸೇರ್ದ್ ಆಜಿ ಜನ ತೀರ್ದೆರ್ ಪನ್ದ್ ವರದಿ ಆತ್ಂಡ್.
ಮುಂಬೈರ್ದ್ ಕಾಂಡೆ 8 ಗಂಟೆದ ಅಂದಾಜಿಗ್ ಪಿದಡಿನ ಈ ಕಿಞ್ಞ ವಿಮಾನ, ಒಂಜಿ ಗಂಟೆ ಕರಿದ್ ಬಾರಾಮತಿ ವಿಮಾನ ಉಂತಡೆದ ಕೈತಲ್ ಜಪ್ಪುನ ಪೊರ್ತುಡು ಬಾನೊರ್ದು ಬೂರ್ದು ಕ್ರ್ಯಾಶ್ ಲ್ಯಾಂಡ್ ಆತ್ಂಡ್. ವರದಿಲೆನ ಪ್ರಕಾರ, ಸ್ಥಳೀಯ ಸಂಸ್ಥೆಲೆನ ವೋಟ್ಗ್ ದುಂಬು ಪವಾರ್ ನಾಲ್ ಪ್ರಮುಖ ಸಾರ್ವಜನಿಕ ಸಭೆಕ್ಲೆಡ್ ಪಾಲ್ಪಡೆಯೆರ ಇತ್ತೆರ್.