Last updated on January 7th, 2026 at 03:17 pm
ದೆಲ್ಲಿ, ಜ. 07: 2012ಟ್ ಧರ್ಮಸ್ಥಳ ಗ್ರಾಮೊಡು ನಡತಿನ ವಿದ್ಯಾರ್ಥಿನಿ ಸೌಜನ್ಯನ ಅತ್ಯಾಚಾರ ಬೊಕ್ಕ ಕೊಲೆ ಪ್ರಕರಣೊದ ಕುಡಜಡ್ತೆ ಮಲ್ಪೆರ ಕೇನ್ದ್ ಸೌಜನ್ಯನ ಅಪ್ಪೆ ಕುಸುಮಾವತಿ ಸಂದಾದಿನ ಅರ್ಜಿದ ವಿಚಾರಣೆನ್ ಸುಪ್ರೀಂ ಕೋರ್ಟ್ ಮಾರ್ಚ್ 23ಕ್ ದುಂಬು ಪಾಡ್ದ್ಂಡ್.
ಧರ್ಮಸ್ಥಳಡ್ ಅತ್ಯಾಚಾರ ಆದ್ ಕೊಲೆ ಆತಿನ ಸೌಜನ್ಯನ ಅಪ್ಪೆ ಕುಸುಮಾವತಿ ಗೌಡ ಈ ಅರ್ಜಿ ಪಾಡ್ದಿತ್ತೆರ್.
ಸುಪ್ರೀಂ ಕೋರ್ಟ್ದ ನ್ಯಾಯಮೂರ್ತಿ ಸಂಜಯ್ ಕುಮಾರ್ ಮುತಾಲಿಕೆದ ದ್ವಿಸದಸ್ಯ ಪೀಠ ಈ ಪ್ರಕರಣೊದ ವಿಚಾರಣೆ ಮಲ್ತ್ಂಡ್. ಆಂಡ, ವಿಚಾರಣೆದ ಪೊರ್ತುಡು ವಕೀಲೆರ್ ಬರಂದಿನೆರ್ದಾವರ , ನ್ಯಾಯಪೀಠ ವಿಚಾರಣೆನ್ ದುಂಬು ಪಾಡ್ದ್ಂಡ್.
ಸೌಜನ್ಯನ ಅತ್ಯಾಚಾರ ಬೊಕ್ಕ ಕೊಲೆ ಪ್ರಕರಣ ದೇಶೊಡೊರ್ಮೆ ಭಾರೀ ಸಂಚಲನ ಉಂಡು ಮಲ್ತಿತ್ತ್ಂಡ್. ಆ ಪ್ರಕರಣೊಡು ಕೈದಾದಿತ್ತಿನ ಸಂತೋಷ್ ರಾವ್ನ ವಿರುದ್ಧ ಸಾಕ್ಷ್ಯಾಧಾರ ಇಜ್ಜಿ ಪನ್ದ್ ಸಿಬಿಐ ಜಡ್ತೆಡ್ ತೆರಿದ್ ಬತ್ತಿಬೊಕ್ಕ ಹೈಕೋರ್ಟ್ ಆರೆನ್ ನಿರಪರಾಧಿ ಪನ್ದ್ 2023ಟ್ ತೀರ್ಪು ಕೊರ್ದಿತ್ತ್ಂಡ್.