ಚಾರ್ಮಾಡಿ ಘಾಟಿ: ಗೂಡ್ಸ್ ಲಾರಿದ ಪ್ಲೇಟ್ ಕಟ್ – ಟ್ರಾಫಿಕ್ ಜಾಮ್

Last updated on January 24th, 2026 at 09:18 am

ಬೋಲ್ತೇರ್, ಜ. 24: ಚಾರ್ಮಾಡಿ ಘಾಟಿಡ್ ಭಾರೀ ಪ್ರಮಾಣೊಡು ಸಾಮಾನ್ ದಿಂಜಾವೊಂದು ಪೋವೊಂದಿತ್ತಿನ ಲಾರಿ ಒಂಜಿ ತಿರ್ಗೆರೆ ಆವಂದೆ ಪ್ಲೇಟ್ ಕಟ್ ಆದ್ ಸಾದಿ ನಡುಟು ಬಾಕಿಯಾದ್ ಟ್ರಾಫಿಕ್ ಜಾಮ್ ಉಂಡಾತಿನ ನಡಕೆ ಶುಕ್ರವಾರ ಬಯ್ಯಡ್ ನಡತಿತ್ತ್‌ದ್ ರಾತ್ರೆ ಮುಟ್ಟಲಾ ಟ್ರಾಫಿಕ್ ಜಾಮ್ ದುಂಬರಿದ್ಂಡ್.

ಪ್ಲೇಟ್ ಕಟ್ ಆತಿನೆರ್ದಾವರ ಲಾರಿ ಸಾದಿಡ್ ಉಂತುದು ಮಲ್ಲ ಗಾಡಿಲೆನ ಸಂಚಾರೊಗು ತಲೆಪು ಆಂಡ್. ಎಲ್ಯ ಗಾಡಿಲು ಕಡಪುನಾತ್ ಜಾಗೆ ಇತ್ತ್‌ಂಡ್, ಆಂಡ ತಾರಾಮರ ಗಾಡಿಲೆನ್ ಪೊಗ್ಗಾಯಿನೆರ್ದಾವರ ಬೊಕಲಾ ಟ್ರಾಫಿಕ್ ಜಾಮ್ ಉಂಡಾದ್ ಗಾಡಿಲು ಪಾಕ ಪೊರ್ತು ದಾರೆಡ್ ಉಂತೊಡಾದ್ ಬತ್ತ್ಂಡ್.

ಕಿಲೊಮೀಟರ್ ಗಟ್ಲೆ ಟ್ರಾಫಿಕ್ ಜಾಮ್ ಆತ್ಂಡ್. ಬೆರಿ ಬೆರಿ ರಜೆ ಇತ್ತಿನೆರ್ದಾವರ ಗಾಡಿಲೆನ ಸಂಖ್ಯೆ ಶುಕ್ರವಾರೊನೇ ಎಚ್ಚ ಇತ್ತ್‌ದ್ ಘಾಟಿ ಭಾಗೊಡು ಏಪೊಲರ್ದ್ ಎಚ್ಚ ಗಾಡಿಲು ಪೋವೊಂದುಲ್ಲ.