ಮುಲ್ಪದ ನಾಯಕೆರೆಗ್ ಧರ್ಮೊದ ಬಗೆಟ್ ಅರಿಮೆ ಇಜ್ಜಿ – ಇಲ್ಲಡ್ಲಾ ಧರ್ಮ ಪಾಲಿಪೆರಾ ಪನ್ದ್ ಪಿನ್ಪಿಜ್ಜಿ – ರಾಜಶೇಖರಾನಂದ ಸ್ವಾಮಿಲು

Last updated on January 24th, 2026 at 11:31 am

ಕುಡ್ಲ, ಜ. 23: ಒಡಿಪು ಪರ್ಯಾಯೊದ ಪೊರ್ತುಡು ಜಿಲ್ಲಾಧಿಕಾರಿ ಕೇಸರಿ ಕೊಡಿ ರಾಪಾಯಿನೆಕ್ ಕಾಂಗ್ರೇಸ್ ನಾಯಕೆರ್ ವಿರೋಧ ಮಲ್ತಿತ್ತ್‌ದ್ ಅವೆಕ್ ಗುರುಪುರ ವಜ್ರದೇಹಿ ಮಠೊತ ರಾಜಶೇಖರಾನಂದ ಸ್ವಾಮಿಲು ಪ್ರತಿಕ್ರಿಯೆ ಕೊರ್ತೆರ್, ಮುಲ್ಪದ ನಾಯಕೆರೆಗ್ ಧರ್ಮೊದ ಬಗೆಟ್ ಅರಿಮೆ ಇಜ್ಜಿ ಅತ್ತಂದೆ ಅಕ್ಲೆನ ಇಲ್ಲಡ್ಲಾ ಧರ್ಮ ಆಚರಿಪೆರಾ ಪನ್ದ್ ಪಿನ್ಪಿಜ್ಜಿ ಪನ್ದ್ ಆರ್ ಪನ್ಡೆರ್.

ಕುಡ್ಲಡ್ ಪಾತೆರ್ನ ಆರ್ ನಮ್ಮೆಟ್ ಭಗವಾಧ್ವಜೊಗು ವಿಶೇಷವಾಯಿನ ಮಾನಾದಿಗೆ ಉಂಡು, ಅವು ಧರ್ಮಧ್ವಜ. ಇತ್ತೆ ಅಲ್ಪ ಇಪ್ಪುನ ಜಿಲ್ಲಾಧಿಕಾರಿಲು ಸರ್ಕಾರೊದ ಒಂಜಿ ಭಾಗ ಆದುಪ್ಪೆರ್ ಆಂಡ ಆರೆನನೇ ಆಯಿನ ಕೆಲ ಕರ್ತವ್ಯೊಲೆಡ್ ಆರ್ ಪಾಲ್‌ಪಡೆಪಿನೆನ್ ಉಂತಾವುನ ಸರ್ಕಾರೊದ ಕರ್ತವ್ಯ ಅತ್ತ್ ಪನ್ದ್ ಪನ್ಡೆರ್.

ನಮ್ಮ ಧಾರ್ಮಿಕ ವ್ಯವಸ್ಥೆದ ಉಲಯಿ ಬೇತೆ ಧರ್ಮೊದ ಅಧಿಕಾರಿಲೆನ್ ಕನಪೆರ್. ಅವೆಕ್ಲಾ ಮೊಕುಲು ಸಮರ್ಥನೆ ಮಲ್ಪುವೆರ್. ದುಂಬು ಬೇತೆ ಧರ್ಮೊದ ಜಿಲ್ಲಾಧಿಕಾರಿಲು ಆರೆನ ಧಾರ್ಮಿಕ ಕ್ಷೇತ್ರೊಗು ಪೋದಿತ್ತೆರ್. ಆರೆನ್ ಸರ್ಕಾರ ಉಂತಾದ್ಂಡಾ..?ಪನ್ದ್ ಕೇನ್ಡೆರ್.