Last updated on February 24th, 2026 at 07:01 am
ಜಾರ್ಖಂಡ್, ಫೆ. 24: ಇರ್ವೆರ್ ಸಿಬ್ಬಂದಿ ಸೇರ್ದ್ 7 ಜನ ಪ್ರಯಾಣಿಕೆರ್ ಇತ್ತಿನ ಚಾರ್ಟರ್ ವಿಮಾನ ಒಂಜಿ ಬೂರ್ದಿನ ನಡಕೆ ಜಾರ್ಖಂಡ್ಡ್ ನಡತ್ದ್ಂಡ್.
ಬೂರ್ದಿನ ವಿಮಾನ ಏರ್ ಆಂಬ್ಯುಲೆನ್ಸ್ ಆದಿತ್ತ್ದ್, ಸೋಮವಾರ ರಾಂಚಿ ವಿಮಾನ ಉಂತಡೆರ್ದ್ ಟೇಕ್ ಆಫ್ ಆದ್ ಒಂತೆ ಪೊರ್ತು ಕರಿದ್ಬೊಕ್ಕ ಜಾರ್ಖಂಡ್ದ ಸಿಮಾರಿಯಾ ದ ಕೈತಲ್ ಬರ್ದ್ಂಡ್. ದೆಲ್ಲಿಗ್ ಪೋವೊಂದಿತ್ತಿನ ವಿಮಾನ ರಾಡಾರ್ಡ್ ತೋಜಂದೆ ಆತ್ಂಡ್ ಪನ್ದ್ ಸುರುಕು ವರದಿ ಆದಿತ್ತ್ಂಡ್. ರಾಂಚಿ ವಿಮಾನ ಉಂತಡೆದ ನಿರ್ದೇಶಕೆರೆ ಪ್ರಕಾರ, ವಿಮಾನ ಏರ್ ಆಂಬ್ಯುಲೆನ್ಸ್ ಆದಿತ್ತ್ಂಡ್. ಅವು ಟೇಕ್ ಆಫ್ ಆವೊಡಾಯಿನ ಪೊರ್ತುಡೇ ಟೇಕ್ ಆಫ್ ಆತ್ಂಡ್. ಆಂಡ ಒಂತೆ ಪೊರ್ತುಡು ಅವು ಏರ್ ಕಂಟ್ರೋಲ್ ರೂಂ ರ್ದ್ ಸಂಪರ್ಕ ಕಲೆವೊಂದುಂಡು.
VT-AJV ಪನ್ದ್ ರಿಜಿಸ್ಟರ್ ಆತಿನ ಈ ವಿಮಾನ ರೆಡ್ಬರ್ಡ್ ಏರ್ವೇಸ್ ಪ್ರೈ. ಲಿಮಿಟೆಡ್ ತೂವೊನುನ ಬೀಚ್ಕ್ರಾಫ್ಟ್ ಕಿಂಗ್ ಏರ್ BE9L ಆದಿತ್ತ್ಂಡ್. ಇಂದೆಟ್ ಒರಿ ರೋಗಿ, ಒರಿ ಡಾಕ್ಟರ್, ಒರಿ ಪ್ಯಾರಾಮೆಡಿಕಲ್ ಸಿಬ್ಬಂದಿ, ಇರ್ವೆರ್ ಹೆಲ್ಪರ್ನಕುಲು, ಒರಿ ಪೈಲಟ್-ಇನ್-ಕಮಾಂಡ್ ಬೊಕ್ಕ ಒರೌ ಸಹ-ಪೈಲಟ್ ಸೇರ್ದ್ 7 ಜನ ಇತ್ತೆರ್. ಜಿಲ್ಲಾಡಳಿತದ ಶೋಧ ಬೊಕ್ಕ ರಕ್ಷಣಾ ಕೂಟ ವಿಮಾನ ಬೂರ್ದಿನ ಜಾಗೆಗ್ ಬತ್ತಿತ್ತ್ದ್ ಎಚ್ಚಿಗೆ ಒಲವುಗು ಕಾತೊಂದುಲ್ಲ.