Last updated on February 10th, 2026 at 11:30 am
ಬಜ್ಪೆ, ಫೆ. 10: ಕರಿನ ಕೆಲ ದಿನೊಕು ದುಂಬು ನಂತೂರ್ಡ್ ಸ್ಕೂಟರ್ಗ್ ಎಡ್ತ್ದ್ ಜವನ್ದಿ ಒರ್ತಿನ್ ಕೆರ್ದಿತ್ತಿನ ಸಿಟಿ ಬಸ್ ಸೋಮಾರದಾನಿ ಕುಡ ಗುರುಪುರ ಕೈಕಂಬಡ್ ಬೈಕ್ ಒಂಜೆಕ್ ಎಡ್ತ್ದ್ಂಡ್. ಆಂಡ ಈ ಸರ್ತಿ ಬಸ್ ಬುಡೊಂದಿತ್ತಿನಾರ್ ಬೇತೆ ಜನ.
ಸೋಮಾರ ಕಾಂಡೆ ವಾಮಂಜೂರ್ ಆದ್ ಕೈಕಂಬ ಗ್ ಪೋದಿತ್ತಿನ ಬಸ್ ಬೈಕ್ ಒಂಜೆಗ್ ಎಡ್ತಿನೆರ್ದಾವರ ಬೈಕ್ ಬಸ್ದ ಅಡಿಕ್ ಬೂರ್ದ್ಂಡ್. ಬೈಕ್ ಬುಡೊಂದಿತ್ತಿನಾರೆಗ್ ಕಿಞ್ಞ ಕಿಞ್ಞ ಗಡಿಕುಲಾತ. ಒಂತೆಟೇ ಉಂಬರೊರ್ದು ಬಚಾವಾತೆರ್, ಒವ್ವೇ ಪ್ರಕರಣ ದಾಕಲಾತಿಜಿ.
ಕರಿನ ಬುದಾರ ಸ್ಕೂಟರ್ ಗ್ ಎಡ್ತಿನ ಡ್ರೈವರ್ ಕೋಡೆ ಬಸ್ ಬುಡೊಂದಿಜ್ಜಂಡ್. ನಂತೂರ್ಡ್ ಎಡ್ತಿನೆರ್ದ್ ಬೊಕ್ಕ ಆ ಡ್ರೈವರ್ನ್ ಪೋಲೀಸೆರ್ ಉಲಕೈ ಮಲ್ತೊಂದೆರ್.