Last updated on February 18th, 2026 at 03:08 pm
ಒಡಿಪು, ಫೆ. 18: ಪೆರಂಪಳ್ಳಿದ ಹೆರ್ಗ ಸೊಸೈಟಿದ ಎದುರು ಸಾದಿ ಬರಿಟ್ ನಡತೊಂದು ಪೋವೊಂದಿತ್ತಿನ ಒರಿಯನ ಮಿತ್ತ್ಡೆ ಕ್ರೇನ್ ಪೋತಿನ ಭಯಾನಕ ನಡಕೆ ನಡತ್ದ್ಂಡ್.
ಕ್ರೇನ್ದ ಟಯರ್ದಡಿಕ್ ಬೂರ್ನ ಜನಕ್ ಗಾತಿದ ಗಡಿಕುಲಾದಿತ್ತ್ದ್, ಆರೆನ್ ಆಸ್ಪತ್ರೆಗ್ ದಾಕಲ್ತ್ದೆರ್.
ಎದುರುರ್ದ್ ಬರೊಂದಿತ್ತಿನ ಕಾರ್ಗ್ ಸೈಡ್ ಕೊರ್ಯೆರೆ ಪೋದು ಕ್ರೇನ್ ಡ್ರೈವರ್ ಅಂಕೆ ತತ್ತ್ದ್ ಸಾದಿ ಬರಿಟೆ ನಡತೊಂದು ಪೋವೊಂದಿತ್ತಿನಾಯನ ಮಿತ್ತ್ ಕ್ರೇನ್ ಬರ್ತಾದೆ. ನರಮಾನ್ಯನ ಮಿತ್ತ್ಡೆನೇ ಕ್ರೇನ್ ಪೋಂಡಲಾ ಡ್ರೈವರ್ ಕ್ರೇನ್ ಉಂತಾವಂದೆ ಅಲ್ಪರ್ದ್ ಪದ್ರಾಡಾತೆ.
ಈ ಸಂಪೂರ್ಣ ನಡಕೆ ಕೈತಲ್ದ ಸಿಸಿಟಿವಿ ಕ್ಯಾಮೆರಾಡ್ ಕೈದಾತ್ಂಡ್. ಈ ಬಗೆಟ್ ಪೊಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್.