Last updated on February 17th, 2026 at 12:28 pm
ಫೆ. 17: ಐತಾರ ಶ್ರೀಲಂಕಾದ ಕೊಲಂಬೋ ಡಾ ನಡತಿನ T20 ಕ್ರಿಕೆಟ್ ವಿಶ್ವಕಪ್ದ ಗೊಬ್ಬುಡು ಪಾಕಿಸ್ತಾನೊನು ಭಾರತ 61 ರನ್ಡ್ ಸೋಪಾದ್ ಈ ವಿಶ್ವಕಪ್ಡ್ ತನ್ನ ಮೂಜನೇ ಗೆಲ್ಮೆನ್ ತೂಂಡು. ಕೊಲಂಬೋ ದ ಆರ್ ಪ್ರೇಮದಾಸ ಸ್ಟೇಡಿಯಂಡ್ ನಡತಿನ ಈ ಹೈ ವೋಲ್ಟೇಜ್ ಮ್ಯಾಚ್ಡ್ ಭಾರತ 20 ಓವರ್ಡ್ 6 ವಿಕೆಟ್ ಕಲೆಯೊಂದು 175 ರನ್ ಮಲ್ತಿತ್ತ್ಂಡ್. ಪಾಕಿಸ್ತಾನ 18 ಓವರ್ಡೇ 114 ಕ್ ಆಲ್ಔಟ್ ಆಂಡ್. ಈ ಗೆಲ್ಮೆ ಭಾರತೊನು ‘ಎ’ ಕೂಟೊರ್ದು ಸೂಪರ್ 8 ಗ್ ಪೋಪುನ ಕಡೀರ ಟೀಮ್ ಆದ್ ಮಲ್ತ್ಂಡ್.
ಕೊಲಂಬೋ ದ ಈ ಗೆಲ್ಮೆ ಪಾಕಿಸ್ತಾನೊದ ಎದುರು ಭಾರತೊದ ಎಣ್ಮನೇ ಗೆಲ್ಮೆ, ಅಂಚೆನೇ ಈ ಗೆಲ್ಮೆ ಭಾರತೊಗು T20 ಕ್ರಿಕೆಟ್ ವಿಶ್ವಕಪ್ ಇತಿಹಾಸೊಡು ಪೊಸತೊಂಜಿ ರೆಕಾರ್ಡ್ ಮಲ್ಪೆರೆ ಸಕಾಯ ಮಲ್ದ್ಂಡ್. ಒಂಜಿ ಟೀಮ್ನ್ 8 ಸರ್ತಿ ಸೋಪಾದಿನವು T20 ಕ್ರಿಕೆಟ್ ವಿಶ್ವಕಪ್ಡ್ ಉಂದೇ ಸುರು.
ಬೇತೆ ವಾ ದೇಶೊದ ಟೀಮ್ಲಾ ಕುಡೊಂಜಿ ಟೀಮ್ನ್ 6 ರ್ದ್ ಎಚ್ಚ ಸರ್ತಿ ಸೋಪಾಯೆರ ಆತಿಜಿ.
ಈತ್ನೇಟ 9 ಸರ್ತಿ T20 ಕ್ರಿಕೆಟ್ ವಿಶ್ವಕಪ್ಡ್ ಭಾರತ ಪಾಕ್ ದ ಎದುರು ಗೊಬ್ಬುದಿತ್ತ್ದ್, ಕಾಲಿ ಒಂಜಿ ಸರ್ತಿ ಪಾಕಿಸ್ತಾನ ಗೆಂದ್ದ್ಂಡ್. 2021 ದ ಅಕ್ಟೋಬರ್ 24 ಕ್ ದುಬೈಡ್ ನಡತಿನ T20 ಕ್ರಿಕೆಟ್ ವಿಶ್ವಕಪ್ ಗೊಬ್ಬುಡು ಭಾರತ ಪಾಕ್ದ ಎದುರು 10 ವಿಕೆಟ್ಡ್ ಸೋತುದಿತ್ತ್ಂಡ್. ಅವು ಬುಡ್ಂಡ ಭಾಲತ ಪ್ರತೀ ಸರ್ತಿಲಾ ಪಾಕ್ಗ್ ಮಣ್ಣ್ ಮುಕ್ಕಾವೊಂದೇ ಬೈದ್ಂಡ್.