Last updated on February 12th, 2026 at 11:08 am
ಮಣಿಪಾಲ, ಫೆ. 12: ಗಾಂಜಾ ಮಾರ್ಯೆರ ತೂವೊಂದಿತ್ತಿನ ಕೇರಳ ಮೂಲೊದ ಜವನನ್ ಮಣಿಪಾಲ ಪೊಲೀಸೆರ್ ಸಿಂಡಿಕೇಟ್ ಸರ್ಕಲ್ದ ಕೈತಲ್ ಅರೆಸ್ಟ್ ಮಲ್ತ್ದೆರ್.
ಕೈದಾತಿನಾಯನ್ ಕೇರಳದ ಮೊಹಮ್ಮದ್ ಅಜ್ಮಲ್ (26) ಪನ್ದ್ ಗುರ್ತ ಪತ್ತ್ದಿತ್ತ್ದ್, ಆಯನ ಕೈರ್ದ್ 1 ಲಕ್ಷ ರೂಪಾಯಿ ಮೌಲ್ಯೊದ 2084 ಗ್ರಾಂ ಗಾಂಜಾ ಉಲಕೈ ಮಲ್ತೊಂದೆರ್.
ಉಂಬ್ಯಡ ಗಾಂಜಾ ದೆತೊಂದಿನ 5 ಜನೊನು ವಶೊಕು ಗೆತೊಂದೆರ್. ಅಕುಲು ಗಾಂಜಾ ಒಯ್ತ್ದಿನ ದೃಢ ಆದಿತ್ತ್ದ್, ಐನ್ ಜನೊತ ಮಿತ್ತ್ಲಾ ಮಣಿಪಾಲ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್. ಮಣಿಪಾಲ ಪೊಲೀಸೆರೆಗ್ ಪತ್ತ ಒಲವು ಇತ್ತ್ದ್ ಕರಿನ ವರ್ಸ ಆಗಸ್ಟ್ಡ್ ಈಶ್ವರನಗರದ ಒಂಜಿ ಅಪಾರ್ಟ್ಮೆಂಟ್ಗ್ ದಾಳಿ ಮಲ್ತಿತ್ತೆರ್. ಅಪಗ ಆಪ್ಶಿನ್ ಬೊಕ್ಕ ಶಿವನಿಧಿ ಆಚಾರ್ಯೆ ಮಾದಕ ಸೊತ್ತುಲೆನ್ ದೀವೊಂದು ಮಾರೊಂದಿತ್ತಿನ ವಿಚಾರ ತೆರಿದ್ ಬೈದ್ಂಡ್. ಅಕಲೆರ್ದ್ ಸುಮಾರ್ 50 ಸಾರ ರೂ.ಮೌಲ್ಯೊದ ಗಾಂಜಾ ವಶೊಕು ಗೆತೊಂದಿತ್ತೆರ್. ಈ ಪ್ರಕರಣೊದ ಬೆರಿಯೆ ಪೋಯಿನ ಪೊಲೀಸೆರ್ ಕಾಸ್ರೋಡ್ದ ಮನೀಶ್ ನ್ ಪತ್ತ್ದಿತ್ತೆರ್. ಆಯೆ ಕೊರ್ತಿನ ಒಲವುದ ಆಧಾರೊಡು ಇತ್ತೆ ಮೊಹಮ್ಮದ್ ಅಜ್ಮಲ್ ನ್ ಪತ್ತ್ದೆರ್. ಉಂಬ್ಯನ್ ನ್ಯಾಯಂತಡೆದ ಎದುರು ಲೆತೊಂದು ಪೋದಿತ್ತ್ದ್, ನ್ಯಾಯಾಂಗ ಕೈದ್ ಕೊರ್ತುಂಡು.