Last updated on February 14th, 2026 at 05:00 am
ಸುಳ್ಯ, ಫೆ. 14: ಕಾರ್ ಡ್ರೈವರ್ ಒರಿ ಪೆಟ್ರೋಲ್ ಪಾಡ್ಪಾದ್ ಬೊಕ್ಕ ಕಾಸ್ ಕೊರಂದೆ ಪದ್ರಾಡಾತಿನ ನಡಕೆ ಅರಂತೋಡುದ ನಯಾರ ಪೆಟ್ರೋಲ್ ಪಂಪ್ಡ್ ಶುಕ್ರವಾರ ನಡತ್ದ್ಂಡ್.
ತೂಯಿನಕ್ಲೆನ ಪ್ರಕಾರ, ಕಾರ್ ಡ್ರೈವರ್ ಪೆಟ್ರೋಲ್ ಪಂಪ್ಗ್ ಬತ್ತ್ದ್ ತನ್ನ ಕಾರ್ಗ್ ಸುಮಾರ್ 2,510 ರೂ. ಮೌಲ್ಯೊದ ಪೆಟ್ರೋಲ್ ಪಾಡ್ಪಾವೊಂದೆ. ಬೊಕ್ಕ ಸಿಬ್ಬಂದಿ ಕಾಸ್ ಕೇನ್ನಗ, ಡ್ರೈವರ್ ಒರಾನೆ ಕಾರ್ ಸ್ಟಾರ್ಟ್ ಮಲ್ತ್ದ್ ಬೀಸ ಪೋತೆ. ಪಂಪ್ ಸಿಬ್ಬಂದಿಲು ಅಪಗನೇ ಜಾಲ್ಸೂರ್ ಚೆಕ್ ಪೋಸ್ಟ್ ಬೊಕ್ಕ ಪೊಲೀಸೆರೆಗ್ ಒಲವು ಕೊರ್ತೆರ್.
ಒಲವು ತಿಕ್ಕಿನ ಜಾಲ್ಸೂರು ಚೆಕ್ ಪೋಸ್ಟ್ ಸಿಬ್ಬಂದಿ, ಅರಣ್ಯ ಇಲಾಖೆ ಸಿಬ್ಬಂದಿ, ಕೈತಲ್ದ ರಿಕ್ಷಾದಕುಲು ಬೊಕ್ಕ ಪೆಟ್ರೋಲ್ ಪಂಪ್ ನೌಕರೆರ್ ಪದ್ರಾಡಾವೊಂದಿತ್ತಿನ ಕಾರ್ನ್ ಅಡ್ಡ ಪಾಡ್ಯೆರ ತೂತೆರ್. ಅಕುಲು ಸಾದಿಗಡ್ಡ ಉಂತುದು ಡ್ರೈವರ್ಗ್ ಗಾಡಿ ಉಂತಾಯೆರ ಪನ್ತೆರ್, ಆಂಡ ಆಯೆ ತಪ್ಪಾವೊಂದು ಪುತ್ತೂರ್ ದಂಚಿ ಪೋತೆ.
ಈತ್ನೇಟ ಏರೆನ್ಲಾ ಪತ್ತ್ದಿನ ಬಗೆಟ್ ವರದಿ ಆತಿಜಿ, ಬೊಕ್ಕ ಆಯನ್ ಪತ್ಯೆರ ಸುತ್ತಮುತ್ತಧ ಪ್ರದೇಶೊಲೆಡ್ ಪೋಲಿಸೆರ್ ಎಚ್ಚರ್ಗೆ ಕೊರ್ತೆರ್.