Last updated on February 9th, 2026 at 03:53 pm
ಫೆ. 09: ಇಂಚಿಪ ನಡತಿನ ಆರ್ಎಸ್ಎಸ್ ದ ಶತಮಾನೋತ್ಸವ ಲೇಸ್ಡ್ ಬಾಲಿವುಡ್ ನಟೆ ಸಲ್ಮಾನ್ ಖಾನ್ ಪಾಲ್ ಪಡೆದಿತ್ತೆರ್. ಮುಂಬೈಡ್ ಈ ಲೇಸ್ ಗೌಜಿಡ್ ನಡತ್ಂಡ್. ಈ ಪೊರ್ತುಡು ರಾಷ್ಟ್ರೀಯ ಸ್ವಯಂ ಸೇವಕ ಸಂಘೊದ ಸರಸಂಘಚಾಲಕ್ ಮೋಹನ್ ಭಾಗ್ವತ್ ಮೇರ್ ಸಲ್ಮಾನ್ ಖಾನ್ ರೆನ್ ಪುಗರ್ದೆರ್. ಆ ಪೊರ್ತುದ ವಿಡಿಯೋ ವೈರಲ್ ಆವೊಂದುಂಡು.
ಆರ್ಎಸ್ಎಸ್ ಅಟ್ಟನೆ ಮಲ್ದಿನ ಲೇಸ್ಡ್ ಬಾಲಿವುಡ್ದ ಪಾಕ ಸೆಲೆಬ್ರಿಟಿನಕುಲುಲಾ ಇತ್ತೆರ್. ಇಂಚ ಪಾಲ್ಪಡೆತಿನೆಟ್ ಸಲ್ಮಾನ್ ಖಾನ್ ಲಾ ಒರಿ. ಮಿತ್ತರ್ಮೆಡ್ ಮೋಹನ್ ಭಾಗವತ್ ಸಲ್ಮಾನ್ ಖಾನ್ರೆನ್ ಪುಗರ್ದೆರ್. ‘ಸಲ್ಮಾನ್ ಖಾನ್ ಎಂಚ ಕುಂಟು ಪಾಡುವೆರಾ ಅಂಚೆನೇ ಕಾಲೇಜ್ದ ವಿದ್ಯಾರ್ಥಿಲುಲಾ ಕುಂಟು ಪಾಡುವೆರ್. ಅಕುಲು ದಾಯೆ ಅಂಚ ಪಪಾಡ್ವೆರ್? ದಾಯೆ ಪನ್ಡ ಸಲ್ಮಾನ್ಲಾ ಅಂಚಿನನೇ ಪಾಡ್ದೆರ್. ಸಲ್ಮಾನ್ ದಾಯೆ ಅಂಚಿನ ಕುಂಟು ಪಾಡ್ದೆರ್? ಅವು ಎಂಕ್ಲೆಗ್ ಗೊತ್ತುಜ್ಜಿ’ ಪನ್ದ್ ಆರ್ಎಸ್ಎಸ್ ಮುಖ್ಯಸ್ಥೆ ಮೋಹನ್ ಭಾಗವತ್ ಪನ್ಡೆರ್.
“ಎಡ್ಡೆಂತಿನ ಇಪ್ಪಡ್ ಅತ್ತ್ಂಡ ತೆಟ್ಟ್ ಇಪ್ಪಡ್, ಅವೆನ್ ದುಂಬು ಕೊನೊಪುನವು ಫ್ಯಾಷನ್. ಫ್ಯಾಷನ್ ನ್ ಉಂಡು ಮಲ್ಪುನಕುಲು ವಿಶ್ವಾಸಾರ್ಹೆರ್, ಶ್ರೇಷ್ಠೆರ್ ಅಂಚೆನೇ ಗೌರವೊಗು ಅರ್ಹೆರ್ ಪನ್ದ್ ಲೆಕ್ಕ” ಪನ್ದ್ ಆರ್ ಪನ್ತೆರ್. ಸಲ್ಮಾನ್ ಖಾನ್ ಆರೆನ ಈ ಪಾತೆರೊನು ಕೇನೊಂದು, ಮುಗುರು ತೆಲಿಕೆ ತೆಲ್ತೊಂದಿತ್ತೆರ್.