Last updated on February 20th, 2026 at 07:38 pm
ಬೆಂಗಳೂರು, ಫೆ. 20: ಸಾಮಾಜಿಕ ಪೊರ್ಮ್ಬಾಟಗಾರೆ ಸ್ನೇಹಮಯಿ ಕೃಷ್ಣೆ ಮೆರೆನ್ ಸಿಸಿಬಿ ಪೊಲೀಸೆರ್ ಇನಿ, ಶುಕ್ರವಾರ ಮಧ್ಯಾಹ್ನ ಕೈದ್ ಮಲ್ತ್ದೆರ್.
ಮುಡಾ ಮಾಜಿ ಆಯುಕ್ತೆ, ಕೆಎಎಸ್ ಅಧಿಕಾರಿ ಡಿ.ಬಿ. ನಟೇಶ್ ಬರೆಪಾದಿನ ಒಯಿಲ್ದ ಆಧಾರೊಡು ಸ್ನೇಹಮಯಿ ಕೃಷ್ಣೆ ಮೆರೆನ್ ಸಿಸಿಬಿ ಪೊಲೀಸೆರ್ ಅರೆಸ್ಟ್ ಮಲ್ತ್ದೆರ್.
“ಮೈಸೂರ್ದ ಸ್ನೇಹಮಯಿ ಕೃಷ್ಣೆ ತನ್ನ ಫೇಸ್ಬುಕ್ ಅಕೌಂಟ್ಡ್ ಎನ್ನ ಫೋಟೊ, ಕಲ್ವ ದಾಕಲೆಲೆನ್ ಅಂಚೆನೇ ಆಡಿಯೋ ಕ್ಲಿಪ್ ಪಾಡ್ದ್ ಅಪಪ್ರಚಾರ ಮಲ್ತ್ದೆರ್” ಪನ್ದ್ ಆರೋಪ ಮಲ್ತ್ದ್ ನಟೇಶ್ ಒಯಿಲ್ ಬರೆಪಾದಿತ್ತೆರ್.
ಮೈಸೂರು ನಗರಾಭಿವೃದ್ಧಿ ಪ್ರಾಧಿಕಾರೊರ್ದು (ಮುಡಾ) ಅಕ್ರಮವಾದ್ ಜಾಗೆ ಗೆತೊಂದೆರ್ ಪನ್ದ್ ಆರೋಪ ಮಲ್ತ್ದ್ ಮುಖ್ಯಮಂತ್ರಿ ಸಿದ್ದರಾಮಯ್ಯೆ ಬೊಕ್ಕ ಆರೆನ ಬೊಡೆದಿ ಬಿ.ಎಂ. ಪಾರ್ವತಿ ಸೇರ್ದ್ ನಾಲ್ವೆರೆ ಮಿತ್ತ್ ದುಂಬೊರ ಸ್ನೇಹಮಯಿ ಕೃಷ್ಣೆ ಕೇಸ್ ಪಾಡ್ದಿತ್ತೆರ್.
ಸ್ನೇಹಮಯಿ ಕೃಷ್ಣನ ಇಲ್ಲಡ್ ತಪಾಸಣೆ:
ಮೈಸೂರ್ದ ಭೈರವೇಶ್ವರ ನಗರೊಡು ಇಪ್ಪುನ ಸಾಮಾಜಿಕ ಪೊರ್ಮ್ಬಾಟಗಾರೆ ಸ್ನೇಹಮಯಿ ಕೃಷ್ಣನ ಕಚೇರಿ ಬೊಕ್ಕ ಇಲ್ಲನ್ ಬೆಂಗಳೂರು ಪೊಲೀಸೆರ್ ತಪಾಸಣೆ ಮಲ್ತೊಂದುಲ್ಲೆರ್.