Last updated on February 21st, 2026 at 10:30 am
ಕಾರ್ಲ, ಫೆ. 21: ಇಲ್ಲಡ್ ಕುರ್ಚಿಡ್ ಕುಲ್ದಿತ್ತಿನ ಜವನೆ ಒರಿ ಕುಸ್ಕುದ್ ಬೂರ್ದು ತೀರ್ದಿನ ನಡಕೆ ಕಾರ್ಲದ ಯರ್ಲಪಾಡಿ ಪನ್ಪಿನಲ್ಪ ನಡತ್ದ್ಂಡ್. ತೀರ್ದಿನಾರೆನ್ ಯರ್ಲಪಾಡಿ ಗ್ರಾಮೊದ ಹೇಮಲತಾ ಪನ್ಪಿನಾರೆನ ಮಗೆ ಸುಹೇಶ್(22) ಪನ್ದ್ ಗುರ್ತ ಪತ್ತ್ದೆರ್.
ಕರಿನ 15 ದಿನೊರ್ದಿಂಚಿ ತೆಮ್ಮ ದೀವೊಂದಿತ್ತಿನ ಮೇರ್ ಮರ್ದ್ ಗೆತೊನೊಂದಿತ್ತೆರ್. ಫೆ.19ದಾನಿ ಮಧ್ಯಾಹ್ನ ಇಲ್ಲದ ಡೈನಿಂಗ್ ರೂಮ್ದ ಕುರ್ಚಿಡ್ ಕುಲ್ದಿತ್ತಿನ ಸುಹೇಶ್, ಒರರ್ದ್ ಒರಾನೆ ಕಲ್ಕ್ದ್ ಕುಸ್ಕ್ದದೊ ತಿರ್ತ್ ಬೂರ್ದೆರ್ಗೆ.
ಬೂರ್ದ್ ನರೆಲ್ದ್ ಅಸ್ವಸ್ಥೆರಾದಿತ್ತಿನ ಆರೆನ್ ಅಪಗನೇ ಕಾರ್ಲದ ಖಾಸಗಿ ಆಸ್ಪತ್ರೆಗ್ ಲೆತೊಂದು ಪೋತೆರ್. ಅಲ್ಪ ಪರೀಕ್ಷೆ ಮಲ್ತಿನ ಡಾಕ್ಟರ್ ಸುಹೇಶ್ ಎತ್ತ್ನಗನೇ ತೀರ್ದೆರ್ ಪನ್ದ್ ತೆರಿಪಾದೆರ್. ಈ ಬಗೆಟ್ ಕಾರ್ಲ ನಗರ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.