Last updated on March 13th, 2026 at 07:05 pm
ಗುಂಡ್ಯ, ಮಾ 13: ಕುಡ್ಲ-ಬೆಂಗಳೂರು ರಾಷ್ಟ್ರೀಯ ಪೆರ್ಸಾದಿ 75ತ ಗುಂಡ್ಯದ ಕೈತಲ್ ಶುಕ್ರವಾರ ಕೆಎಸ್ಆರ್ಟಿಸಿ ರಾಜಹಂಸ ಬಸ್ ಬೊಕ್ಕ ಸ್ವಿಫ್ಟ್ ಕಾರ್ದ ನಡುಟು ನತಿನ ಭೀಕರ ಎಡ್ತೆಡ್ ಮೂಜಿ ಜನ ತೀರ್ದೆರ್. ಮದಿಮೆ ಮುಗಿತ್ದ್ ಕಾರ್ಡ್ ಪಿರ ಬರೊಂದುಪ್ಪುನಗ ಈ ಎಡ್ತೆ ನಡತ್ದ್ಂಡ್.
ಎಡ್ತೆಡ್ ಕೊಕ್ಕಡದ ಚಂದ್ರಶೇಖರ್ ಗೌಡ, ಉಜಿರೆದ ಶ್ರೀಧರ್ ಬೊಕ್ಕ ಜನಾರ್ದನ ಕೆರಿಮಾರ್ ತೀರ್ದೆರ್. ಇರ್ವೆರ್ ಎಡ್ತೆದ ಬರಸ್ಗ್ ಅಲ್ಪನೇ ತೀರ್ದಿತ್ತ್ಂಡ, ಕುಡೊರಿ ಆಸ್ಪತ್ರೆಗ್ ಲೆತೊಂದು ಪೋಪಿನ ಸಾದಿಡ್ ತೀರ್ದೆರ್.
ಸಕಲೇಶಪುರಡ್ ಒಕಜಿ ಮದಿಮೆದ ಲೇಸ್ಗ್ ಪೋದು ಪಿರ ಊರ್ಗ್ ಬರೊಂದುಪ್ಪುನಗ ಈ ದುರಂತ ನಡತ್ದ್ಂಡ್. ಎದುರುರ್ದ್ ಬತ್ತಿನ ರಾಜಹಂಸ ಬಸ್ ಬೊಕ್ಕ ಕಾರ್ ಎಡ್ತೊಂದು, ಕಾರ್ ಅಲಕ್ಕ ಞಕ್ಕೆ ಆತ್ಂಡ್. ಎಡ್ತೆಡ್ ಸುರೇಶ್ ಪನ್ಪಿನಾರೆಗ್ ಗಾತಿದ ಗಡಿಕುಲಾದಿತ್ತ್ದ್, ಆರೆನ್ ಆಸ್ಪತ್ರೆಗ್ ದಾಕಲ್ತ್ದೆರ್. ಜಾಗೆಗ್ ಬತ್ತಿನ ಪೊಲೀಸೆರ್ ಪರಿಶೀಲನೆ ಮಲ್ತ್ದ್ ಪ್ರಕರಣ ದಾಕಲ್ತೊಂದೆರ್.