Last updated on March 11th, 2026 at 10:11 am
ಕುಡ್ಲ, ಮಾ. 11: ಉಲ್ಲಾಸ್ ನಗರದ ಒಂಜಿ ಇಲ್ಲರ್ದ್ ಬಂಗಾರ್ ಬೊಕ್ಕ ಬೊಳ್ಳಿದ ಪದ್ದೈಲೆನ್ ಕನ್ಡ್ದಿನ ಪ್ರಕರಣೊಗು ಸಂಬಂಧಿತ್ದ್ ಕಾವೂರು ಪೊಲೀಸೆರ್ ಬರಸ್ದ ಕಾರ್ಯಾಚರಣೆ ಮಲ್ತ್ದ್ 24 ಗಂಟೆದ ಉಲಯಿ ಆರೋಪಿನ್ ಉಲಕೈ ಮಲ್ಪುನೆಟ್ ಯಶಸ್ವಿ ಆತೆರ್.
ನಗರ ಪೊಲೀಸೆರ್ ಪನ್ಪಿಲೆಕ, ಕನ್ಡ್ದಿನ ಮಾತಾ ಸೊತ್ತುಲೆನ್ ಆರೋಪಿನ ಕೈರ್ದ್ ಉಲಕೈ ಮಲ್ತಿತ್ತ್ದ್, ಆಯನ್ ನ್ಯಾಯಾಂಗ ಕೈದ್ಗ್ ಒಪ್ಯಾದೆರ್. ಮಾರ್ಚ್ 7 ತಾನಿ ಮಧ್ಯಾಹ್ನ 12 ಗಂಟೆದ ಅಂದಾಜಿಗ್ ಕಾವೂರ್ದ ಉಲ್ಲಾಸ್ ನಗರದ ಒಂಜಿ ಇಲ್ಲಡ್ ಏರ್ಲಾ ಇಜ್ಜಂದಿ ಪೊರ್ತುಡು ಕಲ್ವೆ ನಡತಿತ್ತ್ಂಡ್. ಕೆಂಗುಡೆರ್ ಇಲ್ಲದ ಎದುರುದ ಬಾಕಿಲ್ದ ಬೀಗ ಪೊಲ್ತ್ದ್ ಉಲಯಿ ಪೊಗ್ಗುದಿತ್ತೆರ್.
ಬೊಕ್ಕ ಕಾವೂರ್ ಪೊಲೀಸೆರೆಡ ಒಯಿಲ್ ಬರೆಪಾದಿತ್ತ್ದ್, 39 ಗ್ರಾಂ ಬಂಗಾರ್ ಬೊಕ್ಕ 182 ಗ್ರಾಂ ಬೊಲ್ಲಿ ಒಟ್ಟು 4,80,000 ರೂ. ಮೌಲ್ಯೊದ ಪದ್ದೈ ಕನ್ಡ್ದ್ ಪೋತುಂಡು ಪನ್ದ್ ತೆರಿಪಾದಿತ್ತೆರ್.
ಒಯಿಲ್ದ ಆಧಾರೊಡು ಕಾರ್ಯಾಚರಣೆ ಮಲ್ತಿನ ಕಾವೂರ್ ಪೊಲೀಸೆರ್ ಪ್ರಕರಣ ದಾಕಲ್ತೊಂದು ನಾಡೆರೆ ಜತ್ತ್ದೆರ್. ಪರಿಣಾಮಕಾರಿ ಜಡ್ತೆದ ಮುಕೇನ, ವರದಿ ಆಯಿನ ಅಪರಾಧೊದ ಒಂಜಿ ದಿನೊತೂಲಯಿ ಶಂಕಿತನ್ ನಾಡ್ದ್ ಪತ್ತ್ದೆರ್.
ಸ್ಟೇಷನ್ ಸಿಬ್ಬಂದಿಲೆನ ಒಟ್ಟುಪುನೆಪುರ್ದಾವರ ಕನ್ಡ್ದ್ ಪೋತಿನ ಸೊತ್ತುಲೆನ್ ಬೇಗೊಡೇ ನಾಡ್ಪತ್ತೆರೆ ಆಂಡ್ ಪನ್ದ್ ಅಧಿಕಾರಿಲು ತೆರಿಪಾದೆರ್.