Last updated on March 6th, 2026 at 10:04 am
ಕಡಬ,ಮಾ. 06: ಆಜಿ ವರ್ಸೊರ್ದಿಂಚಿ ನ್ಯಾಯಂತಡೆಕ್ ವಿಚಾರಣೆಗ್ ಬರಂದೆ ದೆಂಗ್ತಪ್ಪಾದಿತ್ತಿನ ಆರೋಪಿನ್ ಉಬಾರ್ ಪೊಲೀಸೆರ್ ಕೈದ್ ಮಲ್ತ್ದೆರ್.
ಕೈದಾತಿನಾಯನ್ ಕಡಬ ನಿವಾಸಿ ವಿನೋದ್ ಪನ್ದ್ ಗುರ್ತ ಪತ್ತ್ದೆರ್. ಉಬಾರ್ ಪೊಲೀಸ್ ಸ್ಟೇಶನ್ ಅ.ಕ್ರ: 21/2019, ಕಲಂ: 504, 323, 324, 326, 506 R./ w 34 IPC ಪ್ರಕರಣೊಡು ಆರೋಪಿ ಆದಿತ್ತೆ.
ಮಾರ್ಚ್ 5 ತಾನಿ ಆರೋಪಿನ್ ಉಬಾರ್ ಪೊಲೀಸ್ ಸ್ಟೇಶನ್ HC- 826 ನೇ ಶಿವರಾಮ ರೈ, PC_ 765ನೇ ಸಂತೋಷ್ ಕೆ.ಸಿ ಮೊಕುಲು ಕೇರಳ ರಾಜ್ಯೊದ ತ್ರಿಶೂರ್ ಜಿಲ್ಲೆದ ಇರಿಂಜಲಕುಡ ಪನ್ಪಿನಲ್ಪ ಕೈದ್ ಮಲ್ತ್ದ್ ನ್ಯಾಯಂತಡೆದ ಎದುರು ಲೆತೊಂದು ಪೋತೆರ್. ನ್ಯಾಯಂತಡೆ ಆರೋಪಿಗ್ ನ್ಯಾಯಾಂಗ ಕೈದ್ ಕೊರ್ತುಂಡು.