Last updated on March 29th, 2026 at 09:51 pm
ಬೋಲ್ತೇರ್: ಬೈಕ್ ಸ್ಕಿಡ್ ಆದ್ ಡಿವೈಡರ್ಗ್ ಎಡ್ತಿನೆರ್ದಾವರ ಪಿರವುಡು ಕುಲ್ದಿತ್ತಿನ ವಿದ್ಯಾರ್ಥಿ ತೀರ್ದಿತ್ತ್ದ್, ಬೈಕ್ ಬುಡೊಂದಿತ್ತಿನ ಜವನಗ್ ಗಾತಿದ ಗಡಿಕುಲಾತಿನ ನಡಕೆ ಶನಿವಾರ ರಾತ್ರೆ ಉಜಿರೆ-ಧರ್ಮಸ್ಥಳ ರಾಜ್ಯ ಪೆರ್ಸಾದಿಡ್ ನಡತ್ದ್ಂಡ್.
ಮಾ. 28ದಾನಿ ರಾತ್ರೆ ಸುಮಾರ್ 12.30ದ ಅಂದಾಜಿಗ್ ಉಜಿರೆದ ಕಾಲೇಜ್ ರೋಡ್ಡ್ ಇಪ್ಪುನ ಪಂಚಮಿ ಲಾಡ್ಜ್ದ ಎದುರು ಈ ಎಡ್ತೆ ನಡತ್ದ್ಂಡ್.
ಲೇಸ್ ಮುಗಿತ್ದ್ ಪೀರಬರೊಂದುಪ್ಪುನಗ ಕೆಟಿಎಂ ಬೈಕ್ ಅಂಕೆ ತತ್ತ್ದ್ ಸ್ಕಿಡ್ ಆದ್ ಡಿವೈಡರ್ಗ್ ಎಡ್ತ್ದ್ಂಡ್ ಪನ್ದ್ ಪೊಲೀಸೆರ್ ತೆರಿಪಾದೆರ್. ಎಡ್ತೆಡ್ ಬೋಲ್ತೇರ್ ತಾಲೂಕ್ದ ಲಾಯಿಲ ಗ್ರಾಮೊದ ಅಮ್ಮನಂಗಡಿ ಚಂದ್ರಶೇಖರ್ ಪನ್ಪಿನಾರೆನ ಮಗೆ ನಿತೇಶ್ (19) ತೀರ್ದೆರ್. ಗಾತಿದ ಗಡಿಕುಲಾತಿನ ಬೈಕ್ ಬುಡೊಂದಿತ್ತಿನ ಪುತ್ತೂರ್ ಮೂಲೊದ ಲಿಖಿತ್ (20) ಗ್ ಉಜಿರೆದ ಪ್ರೈವೇಟ್ ಆಸ್ಪತ್ರೆಡ್ ಮರ್ದ್ ನಡತೊಂದುಂಡು. ಇರೊವೆರ್ಲಾ ಉಜಿರೆದ ಪ್ರೈವೇಟ್ ಕಾಲೇಜ್ದ ವಿದ್ಯಾರ್ಥಿಲು ಪನ್ದ್ ತೆರಿದ್ ಬೈದ್ಂಡ್. ನಡಕೆ ನಡತಿನ ಜಾಗೆಗ್ ಬೋಲ್ತೇರ್ ಸಂಚಾರಿ ಪೊಲೀಸ್ ಸಿಬ್ಬಂದಿ ಬತ್ತ್ದ್ ಪರಿಶೀಲನೆ ಮಲ್ತ್ದ್, ಪ್ರಕರಣ ದಾಕಲಾತ್ಂಡ್.