Last updated on March 14th, 2026 at 11:25 am
ಕುಡ್ಲ, ಮಾ. 14: ಪಿಕಪ್ ಗಾಡಿ ಒಂಜಿ ಕಾರ್ಗ್ ಎಡ್ತ್ದಿತ್ತ್ದ್, ಕಾರ್ ಡ್ರೈವರ್ ಕಿಞ್ಞ ಕಿಞ್ಞ ಗಡಿಕುಲಾದ್ ಬಚಾವಾತಿನ ನಡಕೆ ಕುಡ್ಲದ ನಂತೂರ್ ಜಂಕ್ಷನ್ಡ್ ಸನಿಯಾರ ಪುಲ್ಯಾನಗ ನಡತ್ದ್ಂಡ್.
ಈ ಎಡ್ತೆ ಪುಲ್ಯ 2:45 ಗಂಟೆಗ್ ನಡತ್ದ್ಂಡ್. ಕಾರ್ ಬಿಕರ್ನಕಟ್ಟೆರ್ದ್ ಕುಡ್ಲದಂಚಿ ಪೋವೊಂದುಪ್ಪುನಗ ಪಿಕಪ್ ಎಡ್ತ್ದ್ಂಡ್. ಎಡ್ತಿನ ಪಿಕಪ್ ಕೆಪಿಟಿ ದಂಚಿರ್ದ್ ಪಂಪ್ವೆಲ್ ದಂಚಿ ಪೋವೊಂದಿತ್ತ್ಂಡ್ ಪನ್ದ್ ವರದಿ ಆತ್ಂಡ್.
ಎಡ್ತೆದ ಬರಸ್ಗ್ ಕಾರ್ದ ಒಂಜಿ ಮೆಯಿ ಅಲಕ್ಕ ಞಕ್ಕೆ ಆತ್ಂಡ್.
ಕುಡ್ಲ ಕದ್ರಿ ಸಂಚಾರಿ ಪೊಲೀಸ್ ಸ್ಟೇಶನ್ದ ಸಿಬ್ಬಂದಿ ಜಾಗೆಗ್ ಬತ್ತ್ದ್ ಪರಿಶೀಲನೆ ಮಲ್ತ್ದೆರ್.