Last updated on March 12th, 2026 at 09:53 am
ಕಾಸ್ರೋಡ್, ಮಾ. 12: ಕಾರ್ ಬೊಕ್ಕ ಬಸ್ ಎದುರೆದುರು ಎಡ್ತೊಂದು ಕಾರ್ಡ್ ಇತ್ತಿನ ನಾಲ್ವೆರೆಗ್ ಬೊಕ್ಕ ಬಸ್ಡ್ ಇತ್ತಿನ ಎಣ್ಮ ಜನ ಸೇರ್ದ್ 12 ಜನಕ್ ಗಡಿಕುಲಾತಿನ ನಡಕೆ ಕಾಸ್ರೋಡ್ ಕುಂಬ್ಳೆ ಶಾಂತಿಪಳ್ಳ ತಿರ್ಗೆಲ್ಡ್ ಬುಧವಾರ ನಡತ್ದ್ಂಡ್. ಗಡಿಕುಲಾತಿನಕಲೆಡ್ ಕಾರ್ಡ್ ಇತ್ತಿನಾಯನ ಒರಿಯಗ್ ಗಾತಿದ ಗಡಿಕುಲಾತ ಪನ್ದ್ ತೆರಿದ್ ಬೈದ್ಂಡ್.
ಬದಿಯಡ್ಕದಂಚಿ ಪೋವೊಂದಿತ್ತಿನ ಕಾರ್ ಬೊಕ್ಕ ಕುಂಬ್ಳೆಗ್ ಬರೊಂದಿತ್ತಿನ ಪ್ರೈವೇಟ್ ಬಸ್ ಎದುರೆದುರು ಎಡ್ತೊಂದ. ಕಾರ್ಡ್ ಇತ್ತಿನ ಆಲಂಪಾಡಿದ ಮಾಲಿಕ್, ತಾಜುದ್ದೀನ್, ಕಬೀರ್, ಸಿದಾನ್ಗ್ ಗಡಿಕುಲಾದಿತ್ತ್ದ್, ಸಿದಾನ್ನ್ ಸೀರಿಯಸ್ ಸ್ಥಿತಿಟ್ ಕುಡ್ಲಗ್ ಲೆತೊಂದು ಪೋತೆರ್. ಒರಿನ ಮೂವೆರೆನ್ ಕಾಸ್ರೋಡ್ದ ಪ್ರೈವೇಟ್ ಆಸ್ಪತ್ರೆಗ್ ಲೆತೊಂದು ಪೋತೆರ್.
ಬಸ್ಡ್ ಇತ್ತಿನ ಕಾಸ್ರೋಡ್ದ ಪ್ರೈವೇಟ್ ಆಸ್ಪತ್ರೆದ ಡಾಕ್ಟರ್ ಡಾ. ಮುಸ್ಕಾನ, ಕಂಚಿಕಟ್ಟೆದ ಸುಜಾತ(40), ಸೂರಂಬೈಲ್ ನಿವಾಸಿ, ಕುಂಜತ್ತೂರು ಶಾಲೆದ ಟೀಚರ್ ದೀಪ್ತಿ (22) ಸೇರ್ದ್ ಎಣ್ಮ ಜನಕ್ ಬೇತೆ ಬೇತೆ ಆಸ್ಪತ್ರೆಲೆಡ್ ಮರ್ದ್ ನಡತೊಂದುಂಡು. ಎಡ್ತೆಡ್ ಞಕ್ಕೆ ಆತಿನ ಕಾರ್ದುಲಯಿ ತಿಕಲೊಂದಿನಕಲೆನ್ ಮುಟ್ಟಡ್ ಇತ್ತಿನಕುಲು ಪಿದಯಿ ದೆತ್ತ್ದ್ ಆಸ್ಪತ್ರೆಗ್ ಕಡಪುಡ್ದೆರ್.