Last updated on March 5th, 2026 at 03:12 pm
ದೆಲ್ಲಿ, ಮಾ. 05: ಮಧ್ಯಪ್ರಾಚ್ಯೊಡು ದಿನಪೋಯಿಲೆಕನೆ ಜೋರಾವೊಂದುಪ್ಪುನ ಕೊಲಲೊರ್ದಾವರ ಬಂಙೊಗು ಬೂರ್ದಿನ ಭಾರತೀಯ ಪ್ರಯಾಣಿಕೆರೆನ್ ಅಪ್ಪೆನಾಡ್ಗ್ ಲೆತೊಂದು ಬರ್ಯೆರ ಸ್ಟೈಸ್ಜೆಟ್ ಏರ್ಲೈನ್ಸ್ ಗುರುವಾರ ಯುಎಇರ್ದ್ 13 ವಿಶೇಷ ವಿಮಾನೊಲೆನ ಕಾರ್ಯಾಚರಣೆ ಮಲ್ತೊಂದುಂಡು.
ವಿಮಾನೊಲೆನ ಒಲವು
ಕರಿನ ಕೆಲ ದಿನೊರ್ದಿಂಚಿ ವಿಮಾನಯಾನ ಉಂತುದಿತ್ತ್ದ್, ದುಬೈ ಬೊಕ್ಕ ಪುಜೈರಾಡ್ ತಿಕ್ಕ್ದ್ ಬೂರ್ದಿನ ಪ್ರಯಾಣಿಕೆರೆಗ್ ಬೋಡಾದ್ ಈ ಕ್ರಮ ಗೆತೊಂದೆರ್.
ಪುಜೈರಾ ರ್ದ್ 12 ವಿಶೇಷ ವಿಮಾನೊಲು ಬರ್ಯೆರ ಉಲ್ಲ ಅಂಚೆನೇ ದುಬೈ ರ್ದ್ 1 ವಿಶೇಷ ವಿಮಾನ ಕಾರ್ಯಾಚರಣೆ ಮಲ್ಪುಂಡು. ಇಂದೆಟ್ 7 ವಿಮಾನೊಲು ಮುಂಬೈಗ್ ಅಂಚೆನೇ 5 ವಿಮಾನೊಲು ದೆಲ್ಲಿಗ್ ಬರ್ರೆ ಉಲ್ಲ. ದುಬೈರ್ದ್ ಪಿದಡುನ ಒಂಜೇ ಒಂಜಿ ವಿಮಾನ ಮುಂಬೈಗ್ ಬರ್ಯೆರ ಉಂಡು.
ಸ್ಟೈಸ್ಜೆಟ್ ಇತ್ತೆನೇ ಅಂಗಾರೆ ಬೊಕ್ಕ ಬುಧವಾರದಾನಿ ಪುಜೈರಾರ್ದ್ ದೆಲ್ಲಿ, ಮುಂಬೈ ಬೊಕ್ಕ ಕೊಚ್ಚಿಗ್ ಒಟ್ಟು 12 ವಿಶೇಷ ವಿಮಾನೊಲೆನ್ ಯಶಸ್ವಿಯಾದ್ ರಾಪಾದ್ಂಡ್. ಕೊಲಲೊರ್ದಾವರ ಗಲ್ಫ್ ರಾಷ್ಟ್ರೊಲೆನ ವಾಯುಪ್ರದೇಶ ಅಸ್ಥಿರ ಆದುಪ್ಪುನೆರ್ದಾವರ ಸಾರಗಟ್ಲೆ ಭಾರತೀಯೆರ್ ಯುಎಇಡ್ ತಿಕ್ಕ್ದ್ ಬೂರ್ದಿತ್ತ್ದ್, ಅಕಲೆನ್ ನಿಲವು ನಿಲವುಡು ಲೆತೊಂದು ಬರ್ಪುನ ಬೇಲೆ ಆವೊಂದುಂಡು.
ಅಮೆರಿಕ, ಇಸ್ರೇಲ್ ಬೊಕ್ಕ ಇರಾನ್ ನಡುತ ಉದ್ವಿಗ್ನತೆ ರ್ದಾವರ ಮಧ್ಯಪ್ರಾಚ್ಯೊದ ಪ್ರಮುಖ ನಗರೊಲೆಡ್ ವಿಮಾನ ಸಂಚಾರೊಗು ತಲೆಪು ಆತ್ಂಡ್. ವಾಯುಪ್ರದೇಶೊದ ನಿರ್ಬಂಧೊಲೆರ್ದಾವರ ಲೆಕ್ಕೊದ ವಿಮಾನೊಲು ರಾಪುನಲಾ ಉಂತುದಿತ್ತ್ದ್, ತುರ್ತು ಪರಿಸ್ಥಿತಿಟ್ ಭಾರತೀಯ ವಿಮಾನಯಾನ ಸಂಸ್ಥೆಲು ವಿಶೇಷ ಕಾರ್ಯಾಚರಣೆ ಮಲ್ತ್ದ.