Last updated on March 24th, 2026 at 02:14 pm
ಕಾರ್ಲ, ಮಾ. 24: ತಾಲೂಕ್ದ ಮಾಳ ಮುಳ್ಳೂರು ಪ್ರದೇಶೊಡು ಅಂಗಾರೆ ಕಾಂಡೆ ನಡತಿನ ಎಡ್ತೆಡ್ ಉಚ್ಚುನ್ ಕಾಡ್ಗ್ ಬುಡ್ರೆ ಪೋವೊಂದಿತ್ತಿನ ಜವನೆ ಒರಿ ತೀರ್ದ್, ಒಟ್ಟುಗು ಇತ್ತಿನಾಯಗ್ ಗಾತಿದ ಗಡಿಕುಲಾತ.
ತೀರ್ದಿನಾರೆನ್ ನವೀನ್ ಬಜಗೋಳಿ ಪನ್ದ್ ಗುರ್ತ ಪತ್ತ್ದೆರ್. ಆರ್ ವೆಲ್ಡಿಂಗ್ ಬೇಲೆ ಮಲ್ಪುನೆತ ಒಟ್ಟುಗು, ಉಚ್ಚುಲೆನ್ ಪತ್ತ್ದ್ ಸುರಕ್ಷಿತವಾದ್ ಕಾಡ್ಗ್ ಬುಡ್ಪುನ ಬೇಲೆಲಾ ಮಲ್ಪೆದೆರ್. ಇನಿ ಕಾಂಡೆ ಉಚ್ಚು ಒಂಜೆನ್ ಪತ್ತ್ದ್ ಅವೆನ್ ಕಾಡ್ಡ್ ಬುಡ್ಯೆರ ಸ್ಕೂಟರ್ಡ್ ಪೋವೊಂದುಪ್ಪುನಗ ಟಿಪ್ಪರ್ ಲಾರಿ ಎಡ್ತ್ದ್ಂಡ್ ಪನ್ದ್ ತೆರಿದ್ ಬೈದ್ಂಡ್. ಎಡ್ತೆದ ಬರಸ್ಗ್ ನವೀನ್ ಅಲ್ಪನೇ ತೀರ್ದೆರ್. ಸ್ಕೂಟರ್ಡ್ ಇತ್ತಿನ ಕುಡೊರಿಯಗ್ ಗಾತಿದ ಗಡಿಕುಲಾದಿತ್ತ್ದ್, ಆರೆನ್ ಅಪಗನೇ ಕೈತಲ್ದ ಆಸ್ಪತ್ರೆಗ್ ದಾಕಲ್ತ್ದ್ ಮರ್ದ್ ಮಲ್ತೊಂದುಲ್ಲೆರ್. ಈ ಬಗೆಟ್ ಕಾರ್ಲ ಗ್ರಾಮಾಂತರ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾದಿತ್ತ್ದ್, ಪೊಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್.