Last updated on March 31st, 2026 at 02:44 pm
ಬೋಲ್ತೇರ್, ಮಾ. 31 : ತಾಲೂಕ್ದ ಗೇರುಕಟ್ಟೆ ರೇಷ್ಮೆ ರೋಡ್ ಕೈತಲ್ ಅಂಗಾರೆ ಕಾಂಡೆ ಪೋವೊಂದಿತ್ತಿನ ಬಸ್ದ ಬಾಕಿಲ್ ಆಕಸ್ಮಿಕವಾದ್ ಓಪನ್ ಆತಿನೆರ್ದಾವರ, ಒಂಜೇ ಇಲ್ಲದ ಇರ್ವೆರ್ ವಿದ್ಯಾರ್ಥಿನಿಯೆರ್ ಸಾದಿಗ್ ರಟ್ಟ್ದ್ ಗಾತಿದ ಗಡಿಕುಲಾತ.
ಗೇರುಕಟ್ಟೆರ್ದ್ ಬೋಲ್ತೇರ್ ದಂಚಿ ಪೋವೊಂದಿತ್ತಿನ ಬಸ್ಸ್ಡ್ ಈ ಪೊಣ್ಣುಲು ಪೋವೊಂದಿತ್ತೆರ್. ಇಂದೆಟ್ ಒರ್ತಿ ಬೋಲ್ತೇರ್ದ ಪ್ರೈವೇಟ್ ಕಾಲೇಜ್ದ ಪಿಯುಸಿ ವಿದ್ಯಾರ್ಥಿನಿ, ಕುಡೊರ್ತಿ ಎಸ್ಎಸ್ಎಲ್ಸಿ ವಿದ್ಯಾರ್ಥಿನಿ. ಇನಿ ಎಸ್ಎಸ್ಎಲ್ಸಿ ಪರೀಕ್ಷೆ ಬರೆಯೆರೆ ಬಸ್ಸ್ಡ್ ಪೋನಗ ಈ ನಡಕೆ ನಡತ್ದ್ಂಡ್.
ಬಸ್ಸ್ಡ್ ಪ್ರಯಾಣಿಕೆರ್ ಎಚ್ಚ ಇತ್ತ್ದ್, ಓವರ್ ಲೋಡ್ ಆದಿತ್ತ್ಂಡ್ಗೆ. ಬಸ್ ಪೋವೊಂದಿತ್ತಿಲೆಕನೆ ಬಾಕಿಲ್ ಒರಾನೆ ಓಪನ್ ಆತಿನೆರ್ದಾವರ ಪೊಣ್ಣುಲು ಅಂಕೆ ತತ್ತ್ದ್ ಸಾದಿಗ್ ರಟ್ಟ್ದೆರ್. ಅಪಗನೇ ಅಕಲೆನ್ ಬೋಲ್ತೇರ್ದ ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್ದ್, ಮರ್ದ್ ಮಲ್ತೊಂದುಲ್ಲೆರ್.