Last updated on March 8th, 2026 at 03:44 pm
ತುಮಕೂರು, ಮಾ. 08: ಕರೆಂಟ್ ಟ್ರಾನ್ಸ್ಫಾರ್ಮರ್ ಇನ್ಸ್ಟಾಲ್ ಮಲ್ಪುನಗ ಶಾಕ್ ಆಕ್ದ್ ಲೈನ್ಮ್ಯಾನ್ ತೀರ್ದಿನ ನಡಕೆ ತಿಪಟೂರು ತಾಲೂಕ್ದ ಚೌಡ್ಲಾಪುರ ಗ್ರಾಮೊಡು ನಡತ್ದ್ಂಡ್. ಕೆ.ಪಿ. ಮನು (26) ತೀರ್ದಿನಾರ್, ಆರೆನ ಬೊಡೆದಿ 9 ತಿಂಗೊಲ್ದ ದಿಂಜಿ ಬಂಜಿನಾಲ್ ಪನ್ದ್ ತೆರಿದ್ ಬೈದ್ಂಡ್.
ಟಿಸಿ ಪಗಪುನ ಪೊರ್ತುಡು ಬೆಸ್ಕಾಂ ಅಧಿಕಾರಿಲು ಲೈನ್ ಕ್ಲಿಯರೆನ್ಸ್ ಕೊರಂದೆ ಸಿಬ್ಬಂದಿನ್ ಬೇಲೆಗ್ ಉಂತಾದಿನ ಆರೋಪ ಕೇನ್ದ್ ಬೈದಿತ್ತ್ದ್, ಲೈನ್ಮ್ಯಾನ್ ತೀರುನೆಕ್ ಅಧಿಕಾರಿಲೆನ ಗೋಸ್ಮರಿಯೇ ನೆವನ ಪನ್ದ್ ಆರೋಪ ಮಲ್ತ್ದ್ ಸಾರ್ವಜನಿಕೆರ್ ಬೊಕ್ಕ ಇಲ್ಲದಕುಲು ಪೊರ್ಮ್ಬಾಟ ಮಲ್ತ್ದೆರ್. ತಪ್ಪಿತಸ್ಥ ಅಧಿಕಾರಿಲೆನ ಮಿತ್ತ್ ಇತ್ತೆನೇ ಕಾನೂನು ಕ್ರಮ ಗೆತೊನೊನಡು ಅಂಚೆನೇ ತೀರ್ದಿನಾರೆನ ಇಲ್ಲದಕ್ಲೆಗ್ ಬೋಡಾಪಿನ ಪಿರಿಕಟ್ಟ್ ಕೊರೊಡು ಪನ್ದ್ ಆಗ್ರಹ ಮಲ್ತ್ದೆರ್. ನಡಕೆದ ಬಗೆಟ್ ಕಿಬ್ಬನಹಳ್ಳಿ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.