Last updated on March 21st, 2026 at 02:26 pm
ಸುಳ್ಯ, ಮಾ. 21: ಕಲ್ಲಡ್ಕದ ಜವನೆ ಒರಿ ಸುಳ್ಯದ ಗೂನಡ್ಕದ ಅದೆ ಒಂಜೆಟ್ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊಂದಿನ ಸ್ಥಿತಿಟ್ ತಿಕ್ಕ್ದಿನ ಬಗೆಟ್ ವರದಿ ಆತ್ಂಡ್.
ಬಂಟ್ವಾಳ ತಾಲೂಕ್ದ ಕಲ್ಲಡ್ಕ ಮೂಲೊದ ತಿಲಕ್ರಾಜ್ ಪನ್ಪಿನಾರ್ ಆತ್ಮಹತ್ಯೆ ಮಲ್ತೊಂದಿನ ಜವನೆ.
ಕೋಡೆ ಬಯ್ಯಡ್ ಕಲ್ಲಡ್ಕರ್ದ್ ಮಡಿಕೇರಿಗ್ ಪನ್ದ್ ಪಿದಡ್ದಿತ್ತಿನ ತಿಲಕ್ರಾಜ್ ಬಯ್ಯದ ಪೊರ್ತುಡು ಗೂನಡ್ಕಡ್ ಒಂಜಿ ರೂಮ್ ಮಲ್ತ್ದ್ ಇತ್ತೆರ್, ಇನಿ ಕಾಂಡೆ ಅದೆತ ಬಾಕಿಲ್ ಓಪನ್ ಆವಂದಿನೆರ್ದಾವರ ಪೋದು ತೂನಗ ಆತ್ಮಹತ್ಯೆ ಮಲ್ತೊಂದಿನ ವಿಷಯ ತೆರಿದ್ ಬೈದ್ಂಡ್ಗೆ. ಪೋಲೀಸೆರ್ ಬತ್ತಿಬೊಕ್ಕ ಸಮಾಜ ಸೇವಕೆ ತಾಜ್ ಟರ್ಲಿ ಮೇರ್ ಮಾಡ್ಡೆ ಉಲಯಿ ಪೋದು ಪೂನೊನು ಪಿದಯಿ ಕನಯೆರೆ ಸಕಾಯ ಮಲ್ತೆರ್.
ಕಲ್ಲಡ್ಕಡ್ ಬ್ಯುಸಿನೆಸ್ ಮಲ್ತೊಂದು ಇತ್ತಿನ ತಿಲಕ್ರಾಜ್ಗ್ 29 ವರ್ಸ ಪ್ರಾಯ ಆದಿತ್ತ್ದ್, ಆತ್ಮಹತ್ಯೆಗ್ ಪತ್ತ ನೆವನ ತೆರಿದ್ ಬೈದಿಜಿ. ಪುನೊನು ಸುಳ್ಯದ ಸರ್ಕಾರಿ ಆಸ್ಪತ್ರೆಡ್ ದೀತೆರ್.