ಗೂನಡ್ಕ ಪಲ್ಲಿದ ಕಾಣಿಗೆ ಡಬ್ಬಿ ಲಕ್ಕಾಯಿನ ಆಂಧ್ರ ಮೂಲೊದ ಆರೋಪಿ ಅರೆಸ್ಟ್

Last updated on April 8th, 2026 at 03:17 pm

ಸುಳ್ಯ, ಏ. 08: ಸುಳ್ಯ ಪೋಲೀಸ್ ಸ್ಟೇಷನ್ ಸೀಮೆಡ್ ಗೂನಡ್ಕ ಪಲ್ಲಿದ ಕಾಣಿಗೆ ಡಬ್ಬಿ ಕನ್ಡ್‌ದಿನ ಪ್ರಕರಣೊದ ಆರೋಪಿನ್ ಪೊಲೀಸೆರ್ ಕೈದ್ ಮಲ್ತ್‌ದೆರ್. ಮಾರ್ಚ್ 30ದಾನಿ ಸುಳ್ಯ ಪೊಲೀಸ್ ಸ್ಟೇಶನ್ ಸೀಮೆದ ಸಂಪಾಜೆ ಗೂನಡ್ಕ ಪನ್ಪಿನಲ್ಪ ಪಲ್ಲಿಧಳದ ಕಾಣಿಗೆ ಡಬ್ಬಿ ಕನ್ಡ್‌ದಿನ ಪ್ರಕರಣೊಗು ಸಂಬಂಧಿತ್‌ದ್ ಸುಳ್ಯ ಸ್ಟೇಶನ್‌ಡ್ ಅ.ಕ್ರ 45/2026 ಕಲಂ 303(2)BNS -2023 ಪ್ರಕರಣ ದಾಕಲಾದಿತ್ತ್ಂಡ್

ಪ್ರಕರಣೊಗು ಸಂಬಂಧಿತ್‌ದ್ ಸುಳ್ಯ ಕೆಮ್ರಾಜೆ ಎಲಿಮಲೆ ಪನ್ಪಿನಲ್ಪ ಆರೋಪಿ ಆಂಧ್ರಪ್ರದೇಶದ ಪಡ್ಡಾಯಿ ಗೊದಾವರಿ ನಿವಾಸಿ ಮಹಮ್ಮದ್‌ ಸಲ್ಮಾನ್‌ (35) ಪನ್ಪಿನಾಯನ್ ದಸ್ತಗಿರಿ ಮಲ್ತ್‌ದೆರ್. ಆರೋಪಿನ ಕೈರ್ದ್ ಕನ್ಡ್‌ದಿನ 2000 ರೂ ಕಾಸ್ ಉಲಕೈ ಮಲ್ತೊಂದೆರ್. ಆರೋಪಿನ್ ಸುಳ್ಯ ನ್ಯಾಯಂತಡೆದ ಎದುರು ಲೆತೊಂದು ಪೋದಿತ್ತ್‌ದ್, ಆರೋಪಿಗ್ 14 ದಿನೊತ ನ್ಯಾಯಾಂಗ ಕೈದ್ ಕೊರ್ತೆರ್.