Last updated on April 1st, 2026 at 01:32 pm
ಕುಡ್ಲ, ಏ. 01: ಕರಿನ ಒರ್ಮ್ಬ ವರ್ಸೊರ್ದಂಚಿ ಪೊಲೀಸೆರೆ ಕೈಕ್ ತಿಕ್ಕಂದೆ ದೆಂಗ್ತಪ್ಪಾದಿತ್ತಿನ ಆರೋಪಿ ಒರಿಯನ್ ಉರ್ವಾ ಪೊಲೀಸೆರ್ ಕೈದ್ ಮಲ್ತ್ದೆರ್.
ಆರೋಪಿನ ಮಿತ್ತ್ 2016 ಬೊಕ್ಕ 2017 ಟ್ ಉರ್ವಾ ಪೊಲೀಸ್ ಸ್ಟೇಶನ್ಡ್ ರಡ್ಡ್ ರಡ್ಡ್ ಪ್ರಕರಣೊಲು ದಾಕಲಾತಿತ್ತ. 2020ಡ್ ಬಡಕಾಯಿ ಕುಡ್ಲ ಪೊಲೀಸ್ ಸ್ಟೇಶನ್ಡ್ ಒಂಜಿ ಪ್ರಕರಣ ದಾಕಲಾತ್ಂಡ್. ಉರ್ವಾ ಪೊಲೀಸ್ ಸ್ಟೇಶನ್ಡ್ ದಾಖಲಾದಿತ್ತಿನ ಪ್ರಕರಣೊಗು ಸಂಬಂಧಿತ್ದ್, ನ್ಯಾಯಂತಡೆ ಆರೋಪಿನ ಮಿತ್ತ್ ಎಲ್ಪಿಸಿ ವಾರಂಟ್ ಪಿದಡ್ಪಾದಿತ್ತ್ಂಡ್.
ಮಾರ್ಚ್ 29 ದಾನಿ ಉರ್ವಾ ಪೊಲೀಸ್ ಸ್ಟೇಶನ್ದ ಎಎನ್ಐ ಲಕ್ಷ್ಮಣ್ ಬೊಕ್ಕ ಆರೆನ ಕೂಟ ಆರೋಪಿನ್ ಮುಂಬೈಡ್ ನಾಡ್ಪತ್ತ್ದೆರ್. ಕೈದಾತಿನಾಯನ್ ನ್ಯಾಯಂತಡೆದ ಎದುರು ಲೆತೊಂದು ಪೋದಿತ್ತ್ದ್, ನ್ಯಾಯಂತಡೆ ಆಯಗ್ ನ್ಯಾಯಾಂಗ ಕೈದ್ ಕೊರ್ತುಂಡು.