Last updated on April 9th, 2026 at 03:46 pm
ಕುಡ್ಲ, ಎ. 09 : 2026ನೇ ಸಾಲ್ದ ಸೆಕೆಂಡ್ ಪಿಯುಸಿ (PUC) ಪರೀಕ್ಷೆದ ಫಲಿತಾಂಶ ಪ್ರಕಟ ಆದಿತ್ತ್ದ್, ಬೆದ್ರದ ಆಳ್ವಾಸ್ ಪಿಯು ಕಾಲೇಜ್ದ ವಿದ್ಯಾರ್ಥಿನಿ ದಿಶಾ ಮೇರ್ ವಾಣಿಜ್ಯ ವಿಭಾಗೊಡು ಮಲ್ಲ ಸಾದಗೊ ಬೆನ್ತಿನವು ತುಳುನಾಡ್ಗ್ ಪೆರ್ಮೆದ ಸಂಗತಿ.
ಮೂಲತಃ ಬೆದ್ರದಾರೇ ಆಯಿನ ದಿಶಾ ಮೇರ್ ವಾಣಿಜ್ಯ ವಿಭಾಗೊಡು ಒಟ್ಟು 600 ಅಂಕೊಗು 600 ಅಂಕೊ ಗೆತೊಂದು ಶೇ.100 ಫಲಿತಾಂಶ ಸಾದಿತ್ದ್ ರಾಜ್ಯಮಟ್ಟೊಡು ಕಡೀರ ಸ್ಥಾನ ಗೆಂದ್ದೆರ್. ಮೆರೆನ ಈ ಸಾದಗೊ ವಿದ್ಯಾರ್ಥಿ ವಲಯೊಡು ಮಾತ್ರ ಅತ್ತಂದೆ ತುಳುನಾಡ್ಡೊರ್ಮೆ ಕುಸಿಕ್ ನೆವನ ಆತ್ಂಡ್.
ಪೊಣ್ಣನ ಈ ಅದ್ವಿತೀಯ ಸಾದಗೊಗು ಆಳ್ವಾಸ್ ಪಿಯು ಕಾಲೇಜ್ದ ಆಡಳಿತ ಮಂಡಳಿ, ಪ್ರಿನ್ಸಿಪಾಲ್ ಬೊಕ್ಕ ಉಪನ್ಯಾಸಕೆರ್ ಕುಸಿಟ್ ಅಭಿನಂದನೆ ಮಲ್ತ್ದೆರ್. ನನದ ದಿನೊಟು ನನಲಾತ್ ಎಡ್ಡೆ ಸಾದಗೊ ಬೆನಡ್ ಪನ್ದ್ ಎಡ್ಡೆಪು ಬಯಕ್ದೆರ್.