Last updated on April 15th, 2026 at 11:09 am
ಕುಡ್ಲ, ಎ. 15: ಪೇಂಟೆದ ಮಾಂಕಾಳಿಪಡ್ಪು ದ ಕೈತಲ್ ದೋಸ್ತಿಲೆನ ಒಟ್ಟುಗು ಕ್ರಿಕೆಟ್ ಗೊಬ್ಬೊಂದಿತ್ತಿನ 15 ವರ್ಸೊದ ಆಣ್ ಒರಿ ಆಕಸ್ಮಿಕವಾದ್ ಕರೆಂಟ್ ವಯರ್ ಕೊಲ್ತ್ದ್ ತೀರ್ದಿನ ನಡಕೆ ಕರಿನ ಶನಿವಾರ ಬಯ್ಯಡ್ ನಡತ್ದ್ಂಡ್. ಹಾವೇರಿ ಜಿಲ್ಲೆದ ಬ್ಯಾಡಗಿ ತಾಲೂಕ್ದ ಮೂಲೊದ, ಇತ್ತೆ ಮಾಂಕಾಳಿಪಡ್ಪುದ ನಿರ್ಮಲ ನಗರೊಡು ಇತ್ತಿನ ವರುಣ್ (15) ತೀರ್ದಿನ ಆಣ್.
ಮಾಂಕಾಳಿಪಡ್ಪು ಅಂಡರ್ಪಾಸ್ದ ಕೈತಲ್ ಭಜನ ಮಂದಿರದಲ್ಪ ವರುಣ್ ತನ್ನ ದೋಸ್ತಿಲೆನ ಒಟ್ಟುಗು ಕ್ರಿಕೆಟ್ ಗೊಬ್ಬೊಂದಿತ್ತೆ. ಗೊಬ್ಬುನಗ ಚೆಂಡ್ ಮಂದಿರದ ಮಿತ್ತ್ ಬೂರ್ದುಂಡ್. ಚೆಂಡ್ ಕನಯೆರೆ ಮಿತ್ತ್ ಬರ್ತ್ದುಪ್ಪುನಗ ಆಕಸ್ಮಿಕವಾದ್ ಮಿತ್ತ್ ಇತ್ತಿನ ವಿದ್ಯುತ್ ವಯರ್ ವರುಣ್ಗ್ ಕೊಲ್ತ್ದ್ಂಡ್. ಅಪಗನೇ ಆಯನ್ ಆಸ್ಪತ್ರೆಗ್ ಲೆತೊಂದು ಪೋಂಡಲಾ, ಅಡೆ ಎತ್ತ್ನಗ ಆಯೆ ತೀರ್ದೆ ಪನ್ದ್ ಡಾಕ್ಟರ್ ಘೋಷಣೆ ಮಲ್ತ್ದೆರ್.
ವರುಣ್ನ ಅಮ್ಮೆ ಕಣ್ಣನ ಗೌಡ ಮೇರ್ ಕರಿನ 25 ವರ್ಸೊರ್ದಿಂಚಿ ಕುಡ್ಲಡ್ ಒಂಜಿ ಕ್ಯಾಂಟೀನ್ ನಡಪಾವೊಂದು ಜೂವನ ಕರಿತೊಂದುಲ್ಲೆರ್. ವರುಣ್ ಇಂಚಿಪ ಆತೇ ಎಸೆಸೆಲ್ಸಿ ಪರೀಕ್ಷೆ ಬರೆದ್ ಫಲಿತಾಂಶೊಗು ಕಾತೊಂದಿತ್ತೆ. ರಜೆತ ಕುಸಿಟ್ ಇತ್ತಿನ ಮಗೆ ತೀರ್ದಿನವು ಬಾರೀ ಬೆಸರ್ ಉಂಡು ಮಲ್ದ್ಂಡ್.