Last updated on April 27th, 2026 at 06:48 am
ಚಾರ್ಮಾಡಿ, ಏ. 27: ಚಾರ್ಮಾಡಿ ಘಾಟಿದ 8ನೇ ತಿರ್ಗೆಲ್ಡ್ ಡ್ರೈವರ್ನ ಅಂಕೆ ತತ್ತ್ದ್ ಅಶೋಕ್ ಲೈಲ್ಯಾಂಡ್ ಮಿನಿ ಲಾರಿ ಕಬ್ಬೆ ಬೂರ್ದಿನ ನಡಕೆ ಕೋಡೆ ನಡತ್ದ್ಂಡ್.
ಗೂಡ್ಸ್ ಕೊನೊವೊಂದಿತ್ತಿನ ಈ ಮಿನಿ ಲಾರಿಡ್ ಒಂತೆ ಜನಲಾ ಪೋವೊಂದಿತ್ತೆರ್ ಪನ್ದ್ ತೆರಿದ್ ಬೈದ್ಂಡ್, ಚಾರ್ಮಾಡಿ ಘಾಟಿದ ತಿರ್ಗೆಲ್ಡ್ ಪೋವೊಂದುಪ್ಪುನಗ ಡ್ರೈವರ್ನ ಅಂಕೆ ತತ್ತ್ದ್ ಗಾಡಿ ಸಾದಿಡೇ ಕಬ್ಬೆ ಬೂರ್ದುಂಡು. ಅಂಚಾದ್ ಗಾಡಿಡಿತ್ತಿನಕಲೆಗ್ ಗಡಿಕುಲಾತ.
ಪೆಟ್ಟಾತಿನಕಲೆನ್ ಕೈತಲ್ದ ಆಸ್ಪತ್ರೆಗ್ ದಾಕಲ್ತ್ದ್ ಮರ್ದ್ ಮಲ್ತೊಂದುಲ್ಲೆರ್. ನಡಕೆದ ಜಾಗೆಗ್ ಬೋಲ್ತೇರ್ ಸಂಚಾರಿ ಪೊಲೀಸೆರ್ ಬತ್ತ್ದ್ ಪರಿಶೀಲನೆ ಮಲ್ತ್ದ್, ಸಾದಿಡಿತ್ತಿನ ಗಾಡಿನ್ ದೆಪ್ಪಾದೆರ್. ಈ ಬಗೆಟ್ ಪೊಲೀಸೆರ್ ಪ್ರಕರಣ ದಾಕಲ್ತೊಂದು ಬೋಡಾಪಿನ ಕ್ರಮ ಗೆತೊಂದೆರ್.