Last updated on April 16th, 2026 at 12:12 pm
IPL 2026: ಐಪಿಎಲ್ದ ಕಲೊಟು ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ಬೊಕ್ಕ ಚೆನ್ನೈ ಸೂಪರ್ ಕಿಂಗ್ಸ್ (CSK) ನಡುತ ಗೊಬ್ಬು ಪನ್ಡ ಅವು ಕಾಲಿ ಗೊಬ್ಬು ಅತ್ತ್, ಅವು ಎಚ್ಚಿನಕಲೆಗ್ ಒಂಜಿ ಎಮೋಷನ್. ಈ ಸರ್ತಿದ ‘ಸೌತ್ ಡರ್ಬಿ’ ಗೊಬ್ಬು ಬ್ಯಾಟ್-ಬಾಲ್ ಕೊಲಲೊನು ಬುಡ್ದು ಬೇತೆನೇ ಮಲ್ಲ ವಿವಾದೊಗು ನೆವನ ಆತ್ಂಡ್. ಬೆಂಗಳೂರ್ದ ಎಂ. ಚಿನ್ನಸ್ವಾಮಿ ಕ್ರೀಡಾಂಗಣೊಡು ನಡತಿನ ಗೊಬ್ಬುದ ಪೊರ್ತುಡು ಆತಿಥೇಯ ಕೂಟೊದ ಡಿಜೆನ ವರ್ತನೆದ ವಿರುದ್ಧ ಸಿಎಸ್ಕೆ ಮ್ಯಾನೇಜ್ಮೆಂಟ್ ಬಿಸಿಸಿಐಡ (BCCI) ಅಧಿಕೃತ ಒಯಿಲ್ ಬರೆಪಾದ್ಂಡ್.
ಏಪ್ರಿಲ್ 5 ತಾನಿ ಬೆಂಗಳೂರ್ದ ಚಿನ್ನಸ್ವಾಮಿ ಸ್ಟೇಡಿಯಂಡ್ ನಡಣಿನ ಆರ್ಸಿಬಿ ವಿರುದ್ಧೊದ ಗೊಬ್ಬುದ ಪೊರ್ತುಡು ಸಿಎಸ್ಕೆ ಗೊಬ್ಬುಗಾರೆರ್ ಔಟಾನಗ ಬೊಕ್ಕ ಕ್ರೀಡಾಂಗಣೊಡು ಪ್ರೇಕ್ಷಕೆರೆಗ್ ಕುಸಿ ಮಲ್ಪೆರ ಡಿಜೆ, ಸಾಮಾಜಿಕ ಬಲೆತ್ತಾನೊಡು ವೈರಲ್ ಆತಿನ “ದೋಸೆ, ಇಡ್ಲಿ, ಸಾಂಬಾರ್, ಚಟ್ನಿ…” ಪನ್ಪಿ ಪದೊನು ಗಡೀಗಡಿ ಪ್ಲೇ ಮಲ್ತ್ದೆರ್. ಈ ಪದೊನು ಎಚ್ಚಾದ್ ತೆನ್ಕಾಯಿ ಭಾರತೀಯೆರೆನ್, ವಿಶೇಷವಾದ್ ತಮಿಳ್ದಕಲೆನ್ ಮಕ್ಕರ್ ಮಲ್ಪೆರೆ ಮೀಮ್ಡ್ ಗಲಸುವೆರ್. ಉಂದು ಸಿಎಸ್ಕೆ ಗೊಬ್ಬುಗಾರೆರ್ ಬೊಕ್ಕ ಮ್ಯಾನೇಜ್ಮೆಂಟ್ದ ಪಿಸ್ರ್ಗ್ ನೆವನ ಆತ್ಂಡ್.