Last updated on April 23rd, 2026 at 09:48 am
ಬೋಲ್ತೇರ್, ಏ. 22 : ಗಂಗಸರದ ಅಮಲ್ಡ್ ಮಗೆ ಒರಿ ತನ್ನ ಅಮ್ಮೆರೆನೇ ಕತ್ತಿಡ್ ಕಡ್ತ್ದ್ ಕೆರ್ಯೆರೆ ತೂತಿನ ನಡಕೆ ಬೋಲ್ತೇರ್ ತಾಲೂಕ್ದ ಉಜಿರೆಡ್ ನಡತ್ದ್ಂಡ್.
ಈ ಕೃತ್ಯೊಗು ಸಂಬಂಧಿತ್ದ್ ಆರೋಪಿ ಭರತ್ (25) ಪನ್ಪಿನಾಯನ್ ಪೊಲೀಸೆರ್ ಕೈದ್ ಮಲ್ತ್ದೆರ್.
ಗಡಿಕುಲಾತಿನಾರೆನ್ ಉಜಿರೆ ಗ್ರಾಮೊದ ಮಣಿಕೆ ನಿವಾಸಿ, ಮೇಸ್ತ್ರಿ ಬೇಲೆ ಮಲ್ತೊಂದಿತ್ತಿನ ನಾರಾಯಣೆ (52) ಪನ್ದ್ ಗುರ್ತ ಪತ್ತ್ದಿತ್ತ್ದ್, ಇತ್ತೆ ಆರೆಗ್ ಆಸ್ಪತ್ರೆಡ್ ಮರ್ದ್ ನಡತೊಂದುಂಡು.
ಮರತ ಮಿಲ್ಡ್ ಬೇಲೆ ಮಲ್ಪುನ ಭರತ್ ಬೊಕ್ಕ ಆಯನ ಅಮ್ಮೆರ್ ನಾರಾಯಣೆ ಇರ್ವೆರ್ಲಾ ಗಂಗಸರ ಪರ್ದಿತ್ತೆರ್. ಈ ಪೊರ್ತುಡು ಇರ್ವೆರೆ ನಡುಟು ಪಾತೆರೊಗು ಪಾತೆರ ಬುಲೆದ್, ಲಡಯಿಗ್ ತಿರ್ಗ್ದ್, ಭರತ್ ಇಲ್ಲ ಪಿದಯಿ ಅಮ್ಮೆರೆಗ್ ಕತ್ತಿಡ್ ಹಲ್ಲೆ ಮಲ್ತ್ದೆ ಪನ್ದ್ ತೆರಿದ್ ಬೈದ್ಂಡ್. ಈ ದಾಳಿರ್ದಾವರ ನಾರಾಯಣೆರೆನ ಕೆಕ್ಕಿಲ್ ಬೊಕ್ಕ ಕೈಕ್ಲೆಗ್ ಗಾತಿದ ಗಡಿಕುಲಾತ.
ಇಂದೆನ್ ತೂಯಿನ ನಿರೆಕರೆತಕುಲು ಅಪಗನೇ ನಾರಾಯಣೆರೆನ್ ಉಜಿರೆದ ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್ದೆರ್.
ಬೋಲ್ತೇರ್ ಪೊಲೀಸ್ ಸ್ಟೇಶನ್ಡ್ ಈ ಬಗೆಟ್ ಪ್ರಕರಣ ದಾಕಲಾದಿತ್ತ್ದ್, ಪೊಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್.