Last updated on April 29th, 2026 at 12:12 pm
ನೆಲ್ಯಾಡಿ, ಏ. 29: ರಾ.ಪೆ.75ತ ಕೊಣಾಲ್ ಗ್ರಾಮೊದ ಕೋಲ್ಪೆಡ್ ಪೆರ್ಸಾದಿದ ಬರಿಟ್ ಉಂತಾದಿತ್ತಿನ ರಿಕ್ಷಾಗ್ ಪಿರವುರ್ದ್ ತೂಫಾನ್ ಗಾಡಿ ಎಡ್ತ್ದ್ ರಿಕ್ಷಾ ಕಣಿಕ್ ಬೂರ್ದಿನೆರ್ದಾವರ ಐಟಿತ್ತಿನ ಪೊಂಜೊವು ಒರ್ತಿ ತೀರ್ದ್, ಬೇತೆ ಮೂವೆರೆಗ್ ಗಡಿಕುಲಾತಿನ ನಡಕೆ ನಡತ್ದ್ಂಡ್.
ಇಟ್ಟೆಲ್ಗ್ ಕೈತಲ್ದ ಬೀರಮಂಗಿಲ ನಿವಾಸಿ ಗಿರಿಜಾ ತೀರ್ದಿನಾರ್. ರಿಕ್ಷಾ ಡ್ರೈವರ್ ತಿಲಕ್ ರಾಜ್, ರಿಕ್ಷಾಡ್ ಇತ್ತಿನ ಸೋಮಪ್ಪೆ, ದೀಪಕ್ ಎಸ್. ಗಡಿಕುಲಾತಿನಕುಲು. ಮೊಕುಲು ಬೀರಮಂಗಿಲರ್ದ್ ಪೋದು ಕೋಲ್ಪೆದ ಪೆಟ್ರೋಲ್ ಪಂಪ್ ದ ಕೈತಲ್ ನೀರ್ ಪರ್ಯೆರ ರಿಕ್ಷಾನ್ ಪೆರ್ಸಾದಿದ ಬರಿಟ್ ಉಂತಾದಿತ್ತೆರ್. ಈ ಪೊರ್ತುಡು ತೂಫಾನ್ ಡ್ರೈವರ್ ಬೀಸ ಗಾಡಿ ಬುಡೊಂದು ಬತ್ತ್ದ್ ರಿಕ್ಷಾಗ್ ಎಡ್ತ್ದೆ.
ಅಪಗ ರಿಕ್ಷಾ ಎದುರು ಪೋದು ಪೆರ್ಸಾದಿದ ಬರಿತ ಕಣಿಕ್ ಪಲ್ಟಿಯಾದ್ ಡ್ರೈವರ್ ತಿಲಕ್ ರಾಜ್ ಬೊಕ್ಕ ದೀಪಕ್ ಎಸ್. ಪಿದಯಿ ರಟ್ಟ್ದ್ ಗಡಿಕುಲಾತ. ಸೋಮಪ್ಪೆರ್ ಬೊಕ್ಕ ಗಿರಿಜಾ ಮೊಕಲೆಗ್ ಗಾತಿದ ಗಡಿಕುಲಾದಿತ್ತ್ದ್, ಅಕಲೆನ್ ಪುತ್ತೂರು ಆಸ್ಪತ್ರೆಗ್ ಲೆತೊಂದು ಪೋದು ಬೊಕ್ಕ ಎಚ್ಚಿಗೆ ಮರ್ದ್ಗ್ ಕುಡ್ಲದ ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್ದೆರ್. ಆಂಡ ಗಿರಿಜಾ ಮೇರ್ ಮರ್ದ್ ಪಲಿಪಂದೆ ತೀರ್ದೆರ್.
ಉಬಾರ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.