Last updated on April 1st, 2026 at 05:38 pm
ಬಂಟ್ವಾಳ, ಎ. 01: ಅಮಸರೊಡು ಸಾದಿ ಕಡಪುನಗ ಪೋವೊಂದಿತ್ತಿನ ಕಾರ್ಗ್ ಅಡ್ಡ ಬತ್ತಿನೆರ್ದಾವರ ಪೊಂಜೊವುಗು ಕಾರ್ ಎಡ್ತ್ದ್ ಗಾತಿದ ಗಡಿಕುಲಾತಿನ ನಡಕೆ ಸಜಿಪಮುನ್ನೂರು ಗ್ರಾಮೊದ ದಾಸರಗುಡ್ಡೆ ಪನ್ಪಿನಲ್ಪ ಗುಳಿಗಜ್ಜ ಕಟ್ಟೆದ ಕೈತಲ್ ಇನಿ, ಬುಧವಾರ ನಡತ್ದ್ಂಡ್.
ಗಡಿಕುಲಾತಿನ ಪೊಂಜೊವುನು ಉಳ್ಳಾಲ ತಾಲೂಕ್ದ ಬೋಳಿಯಾರ್ ಗ್ರಾಮೊದ ಭಾರತಿ (48) ಪನ್ದ್ ಗುರ್ತ ಪತ್ತ್ದೆರ್.
ಮೆಲ್ಕಾರ್-ಮುಡಿಪು ರಾಜ್ಯ ಪೆರ್ಸಾದಿ ಕಡತ್ದ್ ಗುಳಿಗಜ್ಜ ಕಟ್ಟೆಗ್ ಪಣವು ಪಾಡ್ರೆ ಪೋನಗ ಮೆಲ್ಕಾರ್ದಂಚಿರ್ದ್ ಮುಡಿಪು ದಂಚಿ ಕೃಷ್ಣ ಶ್ಯಾಮ್ ಪನ್ಪಿನಾರ್ ಬುಡೊಂದು ಬತ್ತಿನ ಕಾರ್ ಎಡ್ತ್ದ್ಂಡ್. ಗಡಿಕುಲಾತಿನ ಪೊಂಜೊವುಗು ಕುಡ್ಲದ ಪ್ರೈವೇಟ್ ಆಸ್ಪತ್ರೆಡ್ ಮರ್ದ್ ನಡತೊಂದುಂಡು ಪನ್ದ್ ತೆರಿದ್ ಬೈದ್ಂಡ್. ಈ ಬಗೆಟ್ ಬಂಟ್ವಾಳ ಸಂಚಾರಿ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.