Last updated on May 4th, 2026 at 02:13 pm
ನೆಲ್ಯಾಡಿ: ಶಿರಾಡಿ ಗ್ರಾಮೊದ ಅಡ್ಡಹೊಳೆ ಅನಿತೋಟ ನಿವಾಸಿ, ರಿಕ್ಷಾ ಡ್ರೈವರ್ ಹರಿದಾಸ ಮೇರ್ ಇಲ್ಲ ಕೈತಲ್ ಮರಕ್ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊಂದಿನ ನಡಕೆ ಸೋಮವಾರ ಕಾಂಡೆ ತೆರಿದ್ ಬೈದ್ಂಡ್.
ಹರಿದಾಸೆರ್ ಐತಾರ ರಾತ್ರೆ ಏಪೊಲ್ದಲೆಕ ವನಸ್ ಮಲ್ತ್ದ್ ಜೆತ್ತಿತ್ತೆರ್. ಆಂಡ ಸೋಮವಾರ ಕಾಂಡೆ ಇಲ್ಲದಕುಲು ಲಕ್ಕ್ದ್ ತೂನಗ ಆರ್ ಇಲ್ಲಡ್ ತೋಜೊಂದಿಜ್ದಂಡ್. ಅಂಚಾದ್ ಪೋಡಿನ ಇಲ್ಲದಕುಲು ಸುತ್ತಮುತ್ತ ನಾಡ್ನಗ ಇಲ್ಲರ್ದ್ ಸುಮಾರ್ 20 ಮೀಟರ್ ದೂರೊಡುಪ್ಪುನ ಮರೊಕು ಬಲ್ಲ್ ಪಾಡೊಂದಿನ ಸ್ಥಿತಿಟ್ ಆರ್ ತಿಕ್ಕ್ದೆರ್.
ಹರಿದಾಸೆರ್ ಕರಿನ ಸುಮಾರ್ ಪತ್ತ್ ವರ್ಸೊರ್ದಿಂಚಿ ಗುಂಡ್ಯ–ಅಡ್ಡಹೊಳೆ ಭಾಗೊಡು ರಿಕ್ಷಾ ಬಾಡಾಯಿ ಪೋಪೆದೆರ್.
ತೀರ್ದಿನಾರ್ ಬೊಡೆದಿ ಬೊಕ್ಕ ಮರ್ಮಲೆನ ಒಟ್ಟುಗು ಇಲ್ಲಡ್ ಇತ್ತ್ದ್, ಆರೆನ ಇರ್ವೆರ್ ಆಣ್ ಜೋಕುಲು ಪಿದಯಿ ದೇಶೊಡು ಬೇಲೆಡ್ ಉಲ್ಲೆರ್.