Last updated on May 14th, 2026 at 09:27 am
ಬಂಟ್ವಾಳ, ಮೇ. 14: ಡ್ರೈವರ್ನ ಅಂಕೆ ತತ್ತ್ದ್ ರಿಕ್ಷಾ ಒಂಜಿ ಕಬ್ಬೆ ಬೂರ್ದಿನ ನಡಕೆ ಉಳ್ಳಾಲ ತಾಲೂಕ್ದ ಇರಾ ಗ್ರಾಮೊದ ಕಿನ್ನಿಮಜಲ್ ಪನ್ಪಿನಲ್ಪ ನಡತ್ದ್ಂಡ್.
ನಡಕೆಡ್ ಡ್ರೈವರ್ ಬೊಕ್ಕ ರಿಕ್ಷಾಡ್ ಇತ್ತಿನಕುಲು ದಾಲ ಉಂಬರದಾಂತೆ ಬಚಾವಾತೆರ್. ರಿಕ್ಷಾಡ್ ಡ್ರೈವರ್ ಸೇರ್ದ್ ನಾಲ್ ಜನ ಪೋವೊಂದಿತ್ತ್ದ್, ರಾತ್ರೆ ಸುಮಾರ್ 2 ಗಂಟೆದ ಅಂದಾಜಿಗ್ ನಡಕೆ ನಡತ್ದ್ಂಡ್ ಪನ್ದ್ ಪನ್ತೆರ್.
ಉದ್ಯಾವರ ಮಾಡ ಜಾತ್ರೆಗ್ ಪೋದು ಪಿರ ಚಟ್ಟೆಕಲ್ಲ್ ಇಲ್ಲಗ್ ಬರ್ಪಿನ ಪೊರ್ತುಡು ಡ್ರೈವರ್ನ ಅಂಕೆ ತತ್ತ್ದ್ ರಿಕ್ಷಾ ಸಾದಿ ಬರಿತ ತೋಟಗ್ ಕಬ್ಬೆ ಬರ್ದ್ಂಡ್.