Last updated on May 12th, 2026 at 12:25 pm
ಕುಡ್ಲ, ಮೇ. 12: ರಿಕ್ಷಾಡ್ ಪ್ರಯಾಣಿಕೆರ್ ಮರತ್ ಬುಡ್ತಿನ ಸುಮಾರ್ ₹25 ಲಕ್ಷ ಮೌಲ್ಯೊದ ಪದ್ದೈ ಬಂಗಾರ್ ಇತ್ತಿನ ಬ್ಯಾಗ್ನ್ ಕುಡ್ಲ ಪೂರ್ವ (ಕದ್ರಿ) ಸ್ಟೇಶನ್ದ ಪೊಲೀಸೆರ್ ಬೊಕ್ಕ ರಿಕ್ಷಾ ಡ್ರೈವರ್ನ ಪ್ರಾಮಾಣಿಕತೆರ್ದಾವರ ಕಲೆವೊಂದಿನಕಲೆಗ್ ಸುರಕ್ಷಿತವಾದ್ ಎತ್ತಾದೆರ್.
ಮಲ್ಲಿಕಟ್ಟೆ ನಿವಾಸಿ ಶ್ರೀಮತಿ ಲೋಲಿಟ್ಟ ಬೊಕ್ಕ ಆರೆನ ಇಲ್ಲದಕುಲು ಮಲ್ಲಿಕಟ್ಟೆರ್ದ್ ಮೇರಿ ಹಿಲ್ದಂಚಿ ರಿಕ್ಷಾ ಡ್ ಪೋದಿತ್ತೆರ್. ಈ ಪೊರ್ತುಡು ಪದ್ದೈ ಬಂಗಾರ್ ಇತ್ತಿನ ಅಕ್ಲೆನ ವ್ಯಾನಿಟಿ ಬ್ಯಾಗ್ನ್ ಅಕುಲಕ ರಿಕ್ಷಾಡೇ ಮರತ್ದ್ ಜತ್ತ್ದಿತ್ತೆರ್. ಬ್ಯಾಗ್ ನಾಪತ್ತೆ ಆತಿನ ತೆರಿನನೇ ಪೋಡಿದ್ ಅಕುಲು ಅಪಗನೇ ಕುಡ್ಲ ಪೂರ್ವ ಪೊಲೀಸ್ ಸ್ಟೇಶನ್ಗ್ ಒಲವು ಕೊರ್ತೆರ್.
ಅಪಗನೇ ಕಾರ್ಯಪ್ರವೃತ್ತೆರಾಯಿನ ಪೊಲೀಸೆರ್, ರಿಕ್ಷಾನ್ ನಾಡ್ಪತ್ತ್ದೆರ್. ರಿಕ್ಷಾ ಡ್ರೈವರ್ ರೋಷನ್ ಮೇರ್ಲಾ ಬ್ಯಾಗ್ ತಿಕ್ಕಿನೇ ಪ್ರಾಮಾಣಿಕತೆ ತೋಜಾದ್ ಪೊಲೀಸೆರೆಗ್ ಸಕಾಯ ಮಲ್ತೆರ್. ಡ್ರೈವರ್ನ ಸಹಕಾರೊಡು ತಿಕ್ಕಿನ ಬ್ಯಾಗ್ಡ್ ಇತ್ತಿನ ₹25 ಲಕ್ಷ ಮೌಲ್ಯೊದ ಪದ್ದೈ ಬಂಗಾರ್ನ್ ಕುಡ್ಲ ಪೂರ್ವ ಪೊಲೀಸ್ ಉಪನಿರೀಕ್ಷಕೆರೆ ಸಮ್ಮುಖೊಡು ಲೋಲಿಟ್ಟ ಮೆರೆಗ್ ಕೊರ್ಯೆರ್. ಪೊಲೀಸೆರೆ ರಪಕ್ಕ ಸ್ಪಂದನೆ ಬೊಕ್ಕ ಡ್ರೈವರ್ ರೋಷನ್ ಮೆರೆನ ಪ್ರಾಮಾಣಿಕತೆನ್ ಮಾತೆರ್ಲಾ ಪುಗರೊಂದುಲ್ಲೆರ್.