Last updated on May 23rd, 2026 at 09:28 am
ಉಬಾರ್, ಮೇ. 23: ಕೊಕ್ಕಡದ ಪಟ್ಟೂರ್ಗ್ ಪೋವೊಂದಿತ್ತಿನ ಒಂಜಿ ಕಾರ್, ಡ್ರೈವರ್ನ ಅಂಕೆ ತತ್ತ್ದ್ ಸುಮಾರ್ 70 ಫೀಟ್ ಗಂತ್ಗ್ ಬೂರ್ದಿನ ನಡಕೆ ಉಬಾರ್ ಕೈತಲ್ದ ಪಂಜಳ ಪನ್ಪಿನಲ್ಪ ಮೇ 22ತಾನಿ ಬಯ್ಯಡ್ ನಡತ್ದ್ಂಡ್.
ಕಬ್ಬೆ ಬೂರ್ದಿನ ಕಾರ್ಡ್ ಪಟ್ರಮೆ ಗ್ರಾಮೊದ ದೇರಾಜೆ ನಿವಾಸಿ ಅಂಚೆನೇ ಪಟ್ಟೂರು ಶ್ರೀರಾಮ ವಿದ್ಯಾಸಂಸ್ಥೆದ ಸಂಚಾಲಕೆ ಪ್ರಶಾಂತ್ ದೇರಾಜೆ ಬೊಕ್ಕ ಆರೆನ ಪಲಯೆ ಪ್ರವೀಣ್ ದೇರಾಜೆ ಪೋವೊಂದಿತ್ತೆರ್. ಡ್ರೈವರ್ನ ಅಂಕೆ ತತ್ತಿನೆರ್ದಾವರ ಕಾರ್ ಪೆರ್ಸಾದಿರ್ದ್ ತಿರ್ತ್ ಪೊರೆಲ್ದ್ ಸುದೆ ಬರಿತ ಗಂತ್ಗ್ ಬೂರ್ದ್ಂಡ್.
ನಡಕೆಡ್ ಕಾರ್ ಅಲಕ್ಕ ಞಕ್ಕೆ ಆದಿತ್ತ್ದ್, ಕಾರ್ಡ್ ಇತ್ತಿನಕುಲು ಎಲ್ಯ ಪರಂಕಿಲೆಕ ಗಡಿಕುಲಾದ್ ಬಚಾವಾತೆರ್. ಕಾರ್ ಪೊರೆಲ್ದ್ ಬೂರ್ದಿನ ತೆರಿನನೇ ಸ್ಥಳೀಯೆರ್ ಬೊಕ್ಕ ಗುರ್ತದಕುಲು ಬತ್ತ್ದ್ ರಕ್ಷಣಾ ಕಾರ್ಯೊಡು ಸಕಾಯ ಮಲ್ತೆರ್.