Last updated on May 5th, 2026 at 03:35 pm
ಬೋಲ್ತೇರ್, ಮೇ. 05: ಕ್ರೇನ್ ಗಾಡಿ ಒಂಜಿ ಬೈಕ್ಗ್ ಪಿರವುರ್ದ್ ಎಡ್ತಿನೆರ್ದಾವರ ಬೈಕ್ ಬುಡೊಂದಿತ್ತಿನಾರ್ ಅಲ್ಪನೇ ತೀರ್ದಿನ ನಡಕೆ ಸ್ಥಳದಲ್ಲೇ ಬೋಲ್ತೇರ್ದ ಬೆಳಾಲ್ ಪೇಂಟೆಡ್ ಅಂಗಾರೆ ನಡತ್ದ್ಂಡ್.
ತೀರ್ದಿನಾರೆನ್ ಬಳಂಜ ಗ್ರಾಮೊದ ನಿವಾಸಿ ಜಯ ಮೇಸ್ತ್ರಿ (49) ಪನ್ದ್ ಗುರ್ತ ಪತ್ತ್ದೆರ್.
ಮೇರ್ ಬೆಳಾಲ್ ಗ್ರಾಮೊದ ಕೈತಲ್ದ ಬಾಡಾಯಿದ ಇಲ್ಲಡ್ ಇತ್ತ್ದೊ, ರಬ್ಬರ್ ಟ್ಯಾಪಿಂಗ್ ಬೇಲೆ ಮಲ್ತೊಂದಿತ್ತೆರ್.
ಜಾಗೆಗ್ ಬೋಲ್ತೇರ್ ಟ್ರಾಫಿಕ್ ಪೊಲೀಸೆರ್ ಬತ್ತ್ದ್ ಪರಿಶೀಲನೆ ಮಲ್ತ್ದೆರ್. ಪುನೊನು ಬೋಲ್ತೇರ್ ತಾಲೂಕ್ ಸರ್ಕಾರಿ ಆಸ್ಪತ್ರೆಗ್ ಕಡಪುಡ್ದೆರ್.
ಈ ಬಗೆಟ್ ಬೋಲ್ತೇರ್ ಸಂಚಾರ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.