Last updated on May 15th, 2026 at 12:30 pm
ದೆಲ್ಲಿ, ಮೇ 15: ದೇಶೊಡೊರ್ಮೆ ಪೆಟ್ರೋಲ್ ಮತ್ತು ಡೀಸೆಲ್ ಬಿಲೆಟ್ ಪ್ರತಿ ಲೀಟರ್ಗ್ 3 ರೂಪಾಯಿ ಎಚ್ಚ ಆತ್ಂಡ್. ತೈಲ ಮಾರಾಟ ಕಂಪೆನಿಲು ಜಾಗತಿಕ ಮಾರುಕಟ್ಟೆದ ಇಂಧನ ರೇಟ್ ಏರ್ತೆಲ್ಗ್ ತಕ್ಕ ರೇಟ್ ಏರ್ತ್ದ. ಪರಿಷ್ಕೃತ ರೇಟ್ ಇನಿ ಕಾಂಡೆರ್ದೇ ಜಾರಿ ಆತ್ಂಡ್. ರೇಟ್ ಏರ್ದಿನೆರ್ದಾವರ ಕರ್ನಾಟಕಡ್ ಪ್ರತಿ ಲೀಟರ್ಗ್ ರೇಟ್ 106.17 ರೂ. ಆಂಡ ಡಿಸೇಲ್ 94.10 ರೂ. ಆತ್ಂಡ್.
ಅಂತರರಾಷ್ಟ್ರೀಯ ಮಟ್ಟೊಡು ಕಚ್ಚಾ ತೈಲೊದ ಬಿಲೆಟ್ ಎಚ್ಚಿಕಮ್ಮಿ ಆವೊಂದೇ ಉಂಡು. ಪಶ್ಚಿಮ ಏಷ್ಯಾ ಬೊಕ್ಕ ಇರಾನ್ ಸಂಘರ್ಷೊರ್ದಾವರ ತೈಲ ಸಾಗಾವುನ ಕಡಲಸಾದಿಡ್ ತಲೆಪಾತ್ಂಡ್. ಡಾಲರ್ದ ಎದುರು ಭಾರತೀಯ ರೂಪಾಯಿ ಮೌಲ್ಯ ಬೂರ್ದಿನೆರ್ದಾವರ ಇಮ್ಪೋರ್ಟ್ ಕರ್ಚಿ ಎಚ್ಚ ಆತ್ಂಡ್, ಅಂಚಾದ್ ರೇಟ್ ಏರ್ತ್ದೆರ್.
ಟೆಂಪೋ ಬೊಕ್ಕ ಟ್ರಕ್ಲು ಡೀಸೆಲ್ ಗಲಸುನೆರ್ದಾವರ ಸರಕ್ ಟ್ರಾನ್ಸ್ಪೋರ್ಟ್ದ ರೇಟ್ಲಾ ಪಿರಿಯ ಆವರೆ ಉಂಡು. ಅಂಚಾದ್ ಮಾರುಕಟ್ಟೆಗ್ ಬರ್ಪಿನ ನಟ್ಟಿಕಾಯಿ, ಪರ್ನ್ದ್, ಧಾನ್ಯೊಲೆನ ರೇಟ್ ಎಚ್ಚ ಆಪುಂಠು. ಪ್ರೈವೇಟ್ ಬಸ್ಸ್, ರಿಕ್ಷಾ ಬೊಕ್ಕ ಟ್ಯಾಕ್ಸಿಲೆನ ಪ್ರಯಾಣ ರೇಟ್ಲಾ ಎಚ್ಚ ಆಪುಂಡು. ಮಾರ್ಚ್ 2024 ಟ್ ಲೋಕಸಭಾ ಎಲೆಕ್ಷನ್ಗ್ ದುಂಬು ದೇಶೊಡೊರ್ಮೆ ಪೆಟ್ರೋಲ್ ಬೊಕ್ಕ ಡೀಸೆಲ್ದ ರೇಟ್ ಪ್ರತಿ ಲೀಟರ್ಗ್ 2 ರೂ ಕಮ್ಮಿ ಮಲ್ತಿತ್ತೆರ್.