Last updated on May 17th, 2026 at 01:27 pm
ಬಂಟ್ವಾಳ, ಮೇ. 17 : ದೇಲಂತಡೆ ಒಕಜೆಕ್ ತೆಡಿಲ್ ಆಕ್ದ್ ಕೋಟಿಗಟ್ಲೆ ರೂ ನಷ್ಟ ಆತಿನ ನಡಕೆ ಬಂಟ್ವಾಳ ತಾಲೂಕ್ದ ಮಣಿ ನಾಲ್ಕೂರು ಗ್ರಾಮೊದ ಇಳಿಯೂರು ಪನ್ಪಿನಲ್ಪ ಕೋಡೆ ಬಯ್ಯದ ಪೊರ್ತುಡು ನಡತ್ದ್ಂಡ್.
ಮಣಿನಾಲ್ಕೂರು ಗ್ರಾಮೊಡು ಇಪ್ಪುನ ಇಳಿಯೂರು ಶ್ರೀ ಮಹಾವಿಷ್ಣು ಮೂರ್ತಿ ದೇಲಂತಡೆದ ಗರ್ಭಗುಡಿತ ಪ್ರಾಕಾರೊಗು ತೆಡಿಲ್ ಆಕ್ದ್ ಸುಮಾರ್ 1 ಕೋಟಿದಾತ್ ನಷ್ಟ ಆತ್ಂಡ್ ಪನ್ದ್ ಅಂದಾಜಿ ಮಲ್ತ್ದೆರ್. ಬಯ್ಯ ಸುಮಾರ್ 4.30 ತ ಅಂದಾಜಿಗ್ ದೊರಿನ ಗಾಳಿ ಬರ್ಸೊದ ನಡುಟು ತೆಡಿಲ್ ಆಕ್ದ್ಂಡ್.
ತೆಡಿಲ್ದ ಪೆಟ್ಟ್ಗ್ ದೇಲಂತಡೆದ ಗರ್ಭ ಗುಡಿತ ಮಿತ್ತ್ದ ಪ್ರಾಕಾರ ದ ಶಿಲಾ ಕಲ್ಲ್ಲ್ ಪೊಡಿ ಆದ್ ನೆಲಕ್ ರಟ್ಟ್ದ. ಕರಿನ ನಾಲ್ ವರ್ಸೊಗು ದುಂಬಾತೇ ದೇಲಂತಡೆ ನವೀಕರಣ ಆದ್ ಬ್ರಹ್ಮಕಲಶೋತ್ಸವ ನಡತಿತ್ತ್ಂಡ್.
ಇತ್ತೆ ದೇಲಂತಡೆದ ದೇವರ ಗರ್ಭಗುಡಿಕ್ ಹಾನಿ ಆದಿತ್ತ್ದ್,ಕೋಟಿಗಟ್ಲೆ ರೂ ನಷ್ಟ ಆತ್ಂಡ್.