Last updated on May 5th, 2026 at 07:56 am
ಬಂಟ್ವಾಳ ಮೇ 05: ಸಾದಿ ಕಡತೊಂದಿತ್ತಿನಾರೆಗ್ ಒಂಜಿ ಕಾರ್ ಎಡ್ತಿನ ನಡಕೆ ಕುಡ್ಲ-ಬೆಂಗಳೂರ್ ರಾಷ್ಟ್ರೀಯ ಪೆರ್ಸಾದಿದ ಸಾಗರ ಆಡಿಟೋರಿಯಂ ದ ಎದುರು ನಡತ್ದ್ಂಡ್. ಎಡ್ತೆಡ್ ಗಾತಿದ ಗಡಿಕುಲಾದಿತ್ತಿನಾರ್ ಮರ್ದ್ ಪಲಿಪಂದೆ ತೀರ್ದೆರ್. ತೀರ್ದಿನಾರೆನ್ ವಿಶ್ವನಾಥ ರೈ ಪನ್ದ್ ಗುರ್ತ ಪತ್ತ್ದೆರ್.
ಮದಿಮೆಗ್ ಪೋದು ಪಿರ ಬನ್ನಗ ಈ ಎಡ್ತೆ ನಡತ್ದ್ಂಡ್. ಮಧ್ಯಾಹ್ನ ಬಿ.ಸಿ.ರೋಡ್ದಂಚಿರ್ದ್ ಮೆಲ್ಕಾರ್ ದಂಚಿ ಪೋವೊಂದಿತ್ತಿನ ಪೊಂಜೊವು ಒರ್ತಿ ಬುಡೊಂದಿತ್ತಿನ ಕಾರ್, ಸಾದಿ ಕಡತೊಂದಿತ್ತಿನ ವಿಶ್ವನಾಥ ರೈಕ್ಲೆಗ್ ಎಡ್ತ್ದ್ಂಡ್.
ಎಡ್ತೆರ್ದಾವರ ಗಾತಿದ ಗಡಿಕುಲಾತಿನ ರೈಕ್ಲೆನ್ ಬಿ.ಸಿ.ರೋಡ್ದ ಸೋಮಯಾಜಿ ಆಸ್ಪತ್ರೆಗ್ ಲೆತೊಂದು ಪೋದು ಕಡೀರ ಮರ್ದ್ ಮಲ್ತೆರ್. ಬೊಕ್ಕ ಎಚ್ಚಿಗೆ ಮರ್ದ್ಗ್ ಕುಡ್ಲದ ಕೆ.ಎಸ್.ಹೆಗ್ಡೆ ಆಸ್ಪತ್ರೆಗ್ ದಾಕಲ್ತ್ಂಡಲಾ, ಬಯ್ಯಾನಗ ಆರ್ ಮರ್ದ್ ಪಲಿಪಂದೆ ತೀರ್ದೆರ್.