Last updated on May 13th, 2026 at 11:13 am
ಕಾಸ್ರೋಡ್, ಮೇ. 13: ನೆನೆಪಂದೆ ಬತ್ತಿನ ಅರೆಗಾಲೊದ ಗಾಳಿ ಬರ್ಸಗ್ ಒಂಜಿ ಮರ ಅಡಿಮಗ್ರ್ದ್ ಕರೆಂಟ್ ಕುಂದೊದ ಒಟ್ಟುಗು ಪೋವೊಂದಿತ್ತಿನ ಕಾರ್ದ ಮಿತ್ತ್ ಬೂರ್ದಿತ್ತ್ದ್, ಕಾರ್ ಬುಡೊಂದಿತ್ತಿನ ಪೆರ್ಲದ ದಾಕ್ಟರ್ ಒರಿ ದೇಬೆರೆ ದಯೆಟ್ ಮಲ್ಲ ಉಂಬರೊರ್ದು ಬಚಾವಾತಿನ ನಡಕೆ ಕೋಡೆ, ಅಂಗಾರೆ ಬಯ್ಯಡ್ ಬಾಡೂರು-ಪೆರ್ಲ ಸಾದಿದ ಮಣಿಯಂಪಾರೆ ಪಲ್ಲಿದ ಕೈತಲ್ ನಡತ್ದ್ಂಡ್.
ಸಂತ್ರಸ್ತೆ ಡಾಕ್ಟರ್ ಸೀತಾಂಗೋಳಿ ಬೊಕ್ಕ ಬಾಡೂರುಪದವುಡು ಕ್ಲಿನಿಕ್ ನಡಪಾವೊಂದುಲ್ಲೆರ್.
ಅಂಗಾರೆ ಬಯ್ಯಡ್ ಒಂಜಿ ಲೇಸ್ಡ್ ಪಾಲ್ಪಡೆಯೆರೆ ಆರ್ ಆರೆನ ಕ್ಲಿನಿಕ್ನ್ ಬೇಗನೇ ಮುಚ್ಚಿದ್ ಇಲ್ಲಗ್ ಪಿರಬರೊಂದಿತ್ತೆರ್. ಆರ್ ಬಾಡೂರು-ಪೆರ್ಲ ಸಾದಿಯೆ ಪೋವೊಂದುಪ್ಪುನಗ, ರಣ ಗಾಳಿಗ್ ನೇಲ್ಯ ಮರ ಒಂಜಿ ಅಡಿಮಗ್ರ್ದ್ ಕಾರ್ದ ಮಿತ್ತ್ ಬೂರ್ದ್ಂಡ್. ಮರತ ಒಟ್ಟುಗು ಬರಿಟಿತ್ತಿನ ಕರೆಂಟ್ ಕುಂದೊಲಾ ಕಾರ್ದ ಮಿತ್ತ್ ಬೂರ್ದ್ಂಡ್. ಆಂಡ ಡಾಕ್ಟರ್ಗ್ ಒವ್ವೇ ಗಾತಿದ ಗಡಿಕುಲಾತಿಜ, ಮಲ್ಲ ದುರಂತ ಒಂಜಿ ತತ್ತಿಲೆಕ ಆತ್ಂಡ್.
ಮರ ಬೊಕ್ಕ ಕುಂದ ಬೂರ್ದಿನ ಬರಸ್ಗ್ ಕರೆಂಟ್ ವಯರ್ಲು ಕಡಿದ್ ಸಾದಿಡುದ್ದ ಬೂರ್ದ. ಅಂಚಾದ್ ಸಂಚಾರ ಅಲಕ್ಕ ಉಂತುದು ಅಪಾಯಕಾರಿ ಪರಿಸ್ಥಿತಿ ಉಂಡಾದಿತ್ತ್ಂಡ್. ಅಪಗನೇ ಜಾಗೆಗ್ ಬತ್ತಿನ ಕೈತಲ್ದಕುಲು ಸಕಾಲಿಕ ಕಾರ್ಯಚರಣೆ ಮಲ್ತ್ದೆರ್. ಸಾದಿಗಡ್ಡ ಬೂರ್ದಿನ ಮರೊನು ದೆತ್ತ್ದ್ ಸುಗಮ ಸಂಚಾರೊಗು ಅನುಮಲ್ತ್ ಕೊರ್ತೆರ್.